Microsoft ປ່ອຍ Windows Phone 8.1 ສຳລັບນັກພັດທະນາໃຫ້ລອງໃຊ້ກັນແລ້ວ


image

ເຖິງຊື່ຈະບອກວ່າເປັນອັບເດດສຳລັບນັກພັດທະນາ (for Developers) ແຕ່ຄວາມຈິງແລ້ວທຸກໆຄົນທີ່ໃຊ້ Windows Phone 8 ສາມາດອັບເດດໄດ້ເຊັ່ນກັນ.

ການອັບເດດຈາກເວີຊັນ 8 ມາເປັນ 8.1 ໃນຄັ້ງນີ້ເຫັນວ່າ Microsoft ໄດ້ປັບປຸງ ແລະ ເພີ່ມຄຸນສົມບັດຫຼາຍຢ່າງເຂົ້າມາໃໝ່ ເຮັດໃຫ້ລະບົບປະຕິບັດການ Windows Phone ຂອງເຂົາກ້າວຕາມຄູ່ແຂ່ງຢ່າງ iOS ແລະ Android ຂຶ້ນມາອີກກ້າວໜຶ່ງ. ໃນອັບເດດ Windows Phone 8.1 Preview for Developers ນີ້ມີຫຍັງປ່ຽນແປງ ແລະ ຖືກເພີ່ມເຂົ້າມາໃໝ່ແນ່ ກໍຕິດຕາມອ່ານກັນຕໍ່ໄປໄດ້ ໂດຍຂໍ້ມູນລາຍລະອຽດການອັບເດດຄັ້ງນີ້ ແມ່ນໄດ້ນຳມາຈາກເວັບໄຊ blognone.com.

ການດາວໂຫຼດ ແລະ ຕິດຕັ້ງ
1. ກ່ອນອື່ນໝົດທ່ານຕ້ອງໄປສະໝັກເຂົ້າຮ່ວມໂຄງການ Preview for Developers  ຂອງ Windows Phone ທີ່ http://appstudio.windowsphone.com ກ່ອນ ໂດຍຕ້ອງລົງທະບຽນດ້ວຍບັນຊີ Microsoft ອັນດຽວກັນກັບທີ່ເຮົາໃຊ້ໃນມືຖື Windows Phone ຂອງເຮົາ.
2. ຈາກນັ້ນ ເຂົ້າໄປທີ່ Windows Phone Store ແລ້ວດາວໂຫຼດແອັບຯຊື່ວ່າ Preview for Developers.
3. ເປີດໃຊ້ແອັບຯແລ້ວລົງຊື່ເຂົ້າໃຊ້ດ້ວຍບັນຊີ Microsoft ຂອງເຮົາ.
4.
ກວດສອບການອັບເດດຈາກ Settings > Phone update > Check for updates

ການອັບເດດຈະມີຢູ່ 2 ສ່ວນດ້ວຍກັນຄື ທຳອິດຈະອັບເດດ Windows Phone 8 ໃຫ້ພ້ອມກ່ອນ ແລະ ຫຼັງຈາກນັ້ນຈຶ່ງຈະເປັນການອັບເດດເປັນ Windows Phone 8.1.

ຂ້າງລຸ່ມນີ້ແມ່ນລາຍລະອຽດໂດຍຮວມຫຼັງຈາກອັບເດດເປັນ Windows Phone 8.1 ແລ້ວ:

image image

Start Screen: ໃນສ່ວນຂອງໜ້າຈໍຫຼັກນີ້ຍັງຄົງຮູບແບບເດີມ ແຕ່ລາຍລະອຽດຍ່ອຍມີການປ່ຽນແປງບາງດ້ານເຊັ່ນ: ສາມາດເລືອກພາບພື້ນຫຼັງໃນ Live tile ໂດຍພາບທີ່ເລືອກຈະໄປຢູ່ທີ່ຕົວ tile ແຕ່ນອກ tile ຍັງເປັນສີເກົ່າ ແລະ ສະແດງ tile ແບບສາມຖັນໄດ້.

image image

Notifications:
ນັບແຕ່ Windows Phone ເປີດຕົວມາ, ສິ່ງໜຶ່ງທີ່ສ້າງຄວາມໜັກໃຈໃຫ້ແກ່ຜູ່ໃຊ້ກໍຄົງໜີບໍ່ພົ້ນເລື່ອງຂອງການແຈ້ງເຕືອນ ເຊິ່ງຕົວລະບົບບໍ່ມີ notification center ຄືລະບົບປະຕິບັດການອື່ນໆ.
ໃນ Windows Phone 8.1 ນີ້ ໄດ້ມີການເພີ່ມ notification center ເຂົ້າມາ ເຊິ່ງການໃຊ້ງານ ແລະ ລັກສະນະການໃຊ້ງານກໍຄ້າຍຄືກັບຂອງ Android ຄືປັດໜ້າຈໍຈາກຂອບເທິງລົງມາເພື່ອເບິ່ງລາຍການແຈ້ງເຕືອນຕ່າງໆ.
image image

Cortana:
ຄຸນສົມບັດທີ່ໃຫຍ່ທີ່ສຸດໃນ Windows Phone 8.1 ແມ່ນ Cortana ເຊິ່ງເປັນລະບົບຜູ່ຊ່ວຍສ່ວນຕົວຄືກັນກັບ Siri ຂອງ iOS ແລະ Google Now ຂອງ Android.
ໃນເບື້ອງຕົ້ນນີ້ Cortana ຮອງຮັບການໃຊ້ງານສະເພາະແຕ່ພາສາອັງກິດແບບສະຫະລັດອາເມຣິກາ (US) ເທົ່ານັ້ນ.
image image

ຄຸນສົມບັດອື່ນໆ:
• Sync ການຕັ້ງຄ່າໄດ້ແລ້ວ
• ປຸ່ມຈັບພາບໜ້າຈໍປ່ຽນມາເປັນ ປຸ່ມເພີ່ມສຽງ ( Volume up)+ປຸ່ມ Home
• Storage Sense ຊ່ວຍບອກສະຖານະພື້ນທີ່ຈັດເກັບຂໍ້ມູນ
• Battery Saver ຊ່ວຍບອກອັດຕາການໃຊ້ແບັດເຕີຣີຊອງແອັບຯແຕ່ລະຕົວ
• Windows Phone Store ສາມາດສັ່ງໃຫ້ອັບເດດແອັບຯແບບອັດຕະໂນມັດໄດ້ແລ້ວ. ສາມາດເບິ່ງສະຖານະການດາວໂຫຼດ ແລະ ເບິ່ງປະຫວັດການອັບເດດແອັບຯໄດ້
• ແປ້ນພິມແບບໃໝ່ທີ່ໃຊ້ດ້ວຍການລາກນິ້ວຄືກັບແປ້ນພິມ Swype
• People Hub ເຊື່ອມຕໍ່ກັບ Facebook ບໍ່ໄດ້ແລ້ວ (ໃຫ້ໄປໃຊ້ແອັບຯ Facebook ໂດຍກົງແທນ) ຍັງເຫຼືອແຕ່ Twitter ແລະ LinkedIn.
• People Hub ບໍ່ສະແດງການແຈ້ງເຕືອນຈາກ social network ແລ້ວ, ໃຫ້ໄປເບິ່ງໃນ notification center  ແທນ
• Calendar ສະແດງແບບ week view 8 ຊ່ອງ ແລະ ເຊື່ອມຕໍ່ກັບ Google Calendar ໄດ້

ໃຜທີ່ໃຊ້ Windows Phone 8 ຢູ່ ແລະ ຢາກລອງໃຊ້ Windows Phone 8.1 ກໍລຸຍກັນເລີຍ.

ທີ່ມາ: Blognone

Advertisements
Tagged with: ,
Posted in ຂ່າວເທັກໂນໂລຢີ, Windows Phone

ຕອບກັບ

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ​ແປງ )

Twitter picture

You are commenting using your Twitter account. Log Out / ປ່ຽນ​ແປງ )

Facebook photo

You are commenting using your Facebook account. Log Out / ປ່ຽນ​ແປງ )

Google+ photo

You are commenting using your Google+ account. Log Out / ປ່ຽນ​ແປງ )

Connecting to %s

%d bloggers like this: