BlackBerry ອາດຢຸດຜະລິດໂທລະສັບມືຖື ຖ້າຜົນປະກອບການຍັງສືບຕໍ່ຕົກຕ່ຳ


image

John Chen, CEO ຂອງ BlackBerry ໄດ້ໃຫ້ສຳພາດຕໍ່ສື່ວ່າ ບໍລິສັດອາດຈະຢຸດຜະລິດໂທລະສັບມືຖື ຖ້າຫາກວ່າບໍ່ສາມາດສ້າງລາຍໄດ້ໃຫ້ບໍລິສັດ ແລະ ອາດຈະຫັນມາເຮັດທຸລະກິດທາງດ້ານຊອບແວແທນ.

John Chen ໄດ້ຕັ້ງເປົ້າໄວ້ວ່າ ຈະນຳພາບໍລິສັດໃຫ້ກັບມາມີກຳໄລໃຫ້ໄດ້ພາຍໃນປີ 2016. ຈາກການໃຫ້ສຳພາດ Chen ກ່າວວ່າ ກິດຈະການອຸປະກອນມືຖືຍັງຄົງເປັນໜຶ່ງໃນແຜນທີ່ຈະພາໄປສູ່ເປົ້າໝາຍທີ່ວາງໄວ້ ແຕ່ຖ້າວ່າມັນບໍ່ສ້າງເມັດເງິນໃຫ້ບໍລິສັດ, ພວກເຂົາອາດຢຸດກິດຈະການໃນສ່ວນດັ່ງກ່າວ ແລະ ອາດຈະຫັນໄປເນັ້ນໜັກດ້ານການໃຫ້ບໍລິການທາງດ້ານຊອບແວສຳລັບລູກຄ້າອົງກອນ ແລະ ລະບົບຊອບແວສຳລັບລົດ ແລະ ເຄື່ອງຈັກອຸດສາຫະກຳແທນ.

ເຖິງຢ່າງໃດກໍຕາມ ການໃຫ້ສຳພາດດັ່ງກ່າວບໍ່ໄດ້ໝາຍຄວາມວ່າພວກເຂົາມີແຜນທີ່ຈະຍົກເລີກກິດຈະການອຸປະກອນມືຖືຢ່າງເປັນທາງການແຕ່ຢ່າງໃດ. Chen ກ່າວວ່າ ຖ້າຫາກບໍລິສັດຍັງຄົງສາມາດຂາຍໂທລະສັບມືຖືໄດ້ຢ່າງໜ້ອຍ 10 ລ້ານໜ່ວຍຕໍ່ປີ, ກິດຈະການດັ່ງກ່າວກໍຈະຍັງສາມາດຢູ່ລອດຕໍ່ໄປໄດ້.

ທີ່ມາ: Engadget

Advertisements
Tagged with: , ,
Posted in ຂ່າວເທັກໂນໂລຢີ

ຕອບກັບ

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ​ແປງ )

Twitter picture

You are commenting using your Twitter account. Log Out / ປ່ຽນ​ແປງ )

Facebook photo

You are commenting using your Facebook account. Log Out / ປ່ຽນ​ແປງ )

Google+ photo

You are commenting using your Google+ account. Log Out / ປ່ຽນ​ແປງ )

Connecting to %s

%d bloggers like this: