HTC ເປີດໂຕ HTC One M8


image

ກ່ອນໜ້າທີ່ HTC ຈະເປີດໂຕສະມາດໂຟນລຸ້ນນີ້ໄດ້ມີຂ່າວລືວ່າ HTC ລຸ້ນນີ້ຈະໃຊ້ຊື່ວ່າ The All New HTC One ພ້ອມທັງມີວິດີໂອ review ຫຼຸດອອກມານຳອີກ ແຕ່ສຸດທ້າຍ HTC ກໍເລືອກໃຊ້ຊື່ HTC One M8 ເຊິ່ງຈະວາງຂາຍ 3 ສີດ້ວຍກັນຄື ສີເທົາ, ສີເງິນ ແລະ ສີຄຳ ແລະ ຕົວເຄື່ອງເປັນໂລຫະ.

HTC One M8 ມາກັບສ່ວນຕິດຕໍ່ຜູ່ໃຊ້ (UI) Sense 6 ແລະ ບໍລິສັດຍັງໄດ້ຊູຈຸດເດັ່ນຂອງສະມາດໂຟນລຸ້ນນີ້ ເຊັ່ນ ການຖ່າຍພາບ ແລະ ບັນທຶກວິດີໂອດ້ວຍລະບົບກ້ອງຄູ່, ການຄວບຄຸມເຄື່ອງດ້ວຍ “Gesture Launch” ເຊິ່ງໃຊ້ສຳລັບຄວບຄຸມ ຫຼື  ເປີດໃຊ້ງານຄຸນສົມບັດຕ່າງໆຂອງເຄື່ອງໂດຍບໍ່ຕ້ອງຈັບ ແລະ ແຕະຕ້ອງຕົວເຄື່ອງເລີຍ. ຄຸນສົມບັດເດັ່ນອີກຢ່າງໜຶ່ງຂອງ HTC One M8 ກໍຄື ລະບົບ Extreme Power Saving Mode ເຊິ່ງເຮັດໃຫ້ແບັດເຕີຣີສາມາດໃຊ້ງານໄດ້ຍາວນານເຖິງ 14 ມື້ ໂດຍຈຳກັດໃຫ້ສາມາດໃຊ້ໄດ້ແຕ່ສະເພາະຄຸນສົມບັດທີ່ຈຳເປັນບາງອັນເທົ່ານັ້ນ ເຊັ່ນ ຮັບສາຍໂທເຂົ້າ, ຂໍ້ຄວາມ ແລະ ອີເມລ ເປັນຕົ້ນ.

ຂໍ້ມູນພື້ນຖານຂອງຕົວເຄື່ອງ
• ໃຊ້ລະບົບປະຕິບັດການ Android  4.4 KitKat
• ໜ້າຈໍຂະໜາດ 5 ນິ້ວ ຄວາມລະອຽດ 1080p
• ໜ່ວຍປະມວນຜົນ Qualcomm Snapdragon 801 ຄວາມຖີ່ 2.3 GHz ແບບ 4 ແກນ (quad-core)
• RAM 2 GB, ຄວາມຈຳພາຍໃນ 16 GB/32 GB ແລະ ຮອງຮັບໜ່ວຍຄວາມຈຳພາຍນອກສູງເຖິງ 128 GB
• ຮອງຮັບການເຊື່ອມຕໍ່ LTE, Bluetooth 3.0, Wi-Fi 802.11 ac ແລະ IR
• ມີໂຕກວດຈັບການເຄື່ອນໄຫວ, ແສງ, ການໝູນ ແລະ ຄວາມດັນອາກາດ
• ແບັດເຕີຣີຄວາມຈຸ 2600 mAh ທີ່ HTC ບອກວ່າສາມາດໃຊ້ງານ 3G ໄດ້ 20 ຊົ່ວໂມງ, ໃຊ້ງານໂໝດ standby ໃນເຄືອຂ່າຍ 3G ໄດ້ 496 ຊົ່ວໂມງ

ຂໍ້ມູນກ້ອງຖ່າຍຮູບ
• ກ້ອງຫຼັກຄວາມລະອຽດ 2.0 um ພິກເຊລ (um ແມ່ນຫົວໜ່ວຍຄວາມລະອຽດກ້ອງແບບໃໝ່ຂອງ HTC ເຊິ່ງເອີ້ນວ່າ UltraPixel module) ພ້ອມໂຕກວດຈັບຂະໜາດ 1/3 ນິ້ວ ຖ່າຍພາບຄວາມໄວທີ່ f/2.0 ດ້ວນເລນ 22 mm
• ກ້ອງຫຼັກມາພ້ອມລະບົບກ້ອງຄູ່ Duo Camera ເຊິ່ງມີ flash ຄູ່ ແລະ ຖ່າຍວິດີໂອຄວາມລະອຽດ 1080p HD ໄດ້
• ລະບົບກ້ອງຄູ່ Duo Camera ສາມາດບັນທຶກຂໍ້ມູນຫຼາຍຢ່າງໄດ້ເຊັ່ນ ຄວາມເລິກຂອງພາບ ແລະ ເຮັດໃຫ້ສາມາດໃຊ້ effect ຕ່າງໆໄດ້
• ສາມາດຖ່າຍວິດີໂອແບບ slow motion ໄດ້
• ກ້ອງໜ້າຄວາມລະອຽດ 5 MP

Gesture Control
HTC One M8 ມາພ້ອມກັບລະບົບ Motion Launch ທີ່ເຮັດໃຫ້ທ່ານສາມາດຄວບຄຸມເຄື່ອງໄດ້ໂດຍບໍ່ຕ້ອງເລື່ອນ ຫຼື ແຕະໜ້າຈໍເລີຍ ບໍ່ວ່າຈະເປັນ ການຮັບສາຍ ຫຼື ປົດລັອກ/ລັອກໜ້າຈໍ. ນອກນັ້ນຍັງມີລະບົບ Auto Answer, ພຽງແຕ່ຍົກໂທລະສັບຂຶ້ນໃສ່ຫູ ກໍຈະຮັບສາຍໂທເຂົ້າໂດຍອັດຕະໂນມັດ.

Case ສະແດງການແຈ້ງເຕືອນ
ສິ່ງທີ່ໜ້າສົນໃຈອີກຢ່າງໜຶ່ງຂອງ HTC One M8 ກໍຄື case. HTC ໄດ້ອອກແບບ case ທີ່ສາມາດສະແດງການຂໍ້ມູນ/ແຈ້ງເຕືອນຕ່າງໆໄດ້ເຊັ່ນ ເວລາ, ວັນທີ, ສະພາບອາກາດ, ອີເມລ, ຂໍ້ຄວາມ ແລະ ສາຍໂທເຂົ້າ ໂດຍບໍ່ຕ້ອງເປີດໜ້າຈໍ.

ສຳລັບລາຄາຂາຍທີ່ການາດາຢູ່ທີ່ 700 ໂດລາ (229 ໂດລາ ຕິດສັນຍາ 2 ປີ) ແລະ ທີ່ສະຫະລັດອາເມຣິກາຢູ່ທີ່ 649 ໂດລາ (199 ໂດລາ ຕິດສັນຍາ 2 ປີ).

Advertisements
Tagged with: ,
Posted in Android, ຂ່າວເທັກໂນໂລຢີ

ຕອບກັບ

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ​ແປງ )

Twitter picture

You are commenting using your Twitter account. Log Out / ປ່ຽນ​ແປງ )

Facebook photo

You are commenting using your Facebook account. Log Out / ປ່ຽນ​ແປງ )

Google+ photo

You are commenting using your Google+ account. Log Out / ປ່ຽນ​ແປງ )

Connecting to %s

%d bloggers like this: