[MWC] ນອກຈາກ Galaxy S5 ແລ້ວ Samsung ຍັງໄດ້ເປີດໂຕ Gear 2, Gear 2 Neo ແລະ Gear Fit


image

ນອກຈາກໂທລະສັບມືຖື Galaxy S5 ແລ້ວ Samsung ຍັງໄດ້ເປີດໂຕອຸປະກອນສວມໃສ່ອັດສະລິຍະ ເຊິ່ງເປັນການຕໍ່ຍອດມາຈາກ Galaxy Gear ເຊິ່ງນັ້ນກໍຄື Gear 2, Gear 2 Neo ແລະ Gear Fit.
ເຖິງວ່າຈະເປັນໂມງອັດສະລິຍະທີ່ຕໍ່ຍອດມາຈາກ Galaxy Gear ກໍຕາມ, ມາຮອດປີນີ້ Samsung ໄດ້ປ່ຽນມາໃຊ້ລະບົບປະຕິບັດການ Tizen ຂອງໂຕເອງ ແລະ ໄດ້ເອົາຄຳວ່າ Galaxy ອອກ ເຊິ່ງເປັນການແຍກສາຍອອກຈາກ series Galaxy ຢ່າງເປັນທາງການ.

image

Samsung Gear 2 ແລະ Gear 2 Neo
ສຳລັບຄຸນສົມບັດຂອງກໍນັບວ່າເປັນການປ່ຽນແປງທີ່ດີຂຶ້ນຫລາຍພໍສົມຄວນ ເຖິງວ່າການອອກແບບຕົວເຄື່ອງຈະບໍ່ແຕກຕ່າງຈາກລຸ້ນກ່ອນປານໃດ ແຕ່ໃນສ່ວນຂອງ CPU ກໍ່ໄດ້ມີການເພີ່ມຄວາມຖີ່ຂຶ້ນມາ ຈາກ 800 MHz ມາເປັນ 1 GHz, ແບັດເຕີຣີທີ່ໃຊ້ງານໄດ້ດົນຂຶ້ນ, ກັນນ້ຳໄດ້ຕາມມາດຕະຖານ IP67 ແລະ ມີເຊັຍເຊີກວດຈັບອັດຕາການເຕັ້ນຂອງຫົວໃຈ.

ລາຍລະອຽດຂອງຕົວເຄື່ອງ
• ຫນ້າຈໍ 1.63 ນິ້ວ Super AMOLED ຄວາມລະອຽດ 360×360 ພິກເຊວ
• Gear 2 ມີຕົວເຄື່ອງຂະຫນາດ 36.9×58.4×10.0 mm ຫນັກ 68 g, Gear 2 Neo ມີຂະຫນາດ 37.9×58.8×10.0 mm ຫນັກ 55 g
• CPU 1 GHz dual-core
• RAM 512 MB, ROM 4 GB
• ແບັດເຕີຣີ 300 mAh, ໃຊ້ງານປົກກະຕິຈະໃຊ້ໄດ້ 2-3 ມື້, ໃຊ້ງານຫນ້ອຍຈະໃຊ້ໄດ້ດົນເຖິງ 6 ມື້
•  Bluetooth 4.0, IR
• ກັນນ້ຳໄດ້ຕາມມາດຕະຖານ IP67
• Gear 2 ກ້ອງ 2 MP, Gear 2 Neo ບໍ່ມີກ້ອງ
• ລະບົບປະຕິບັດການ Tizen
• ເຊັນເຊີກວດຈັບການເຄື່ອນໄຫວ (Accelerometer), ເຊັນເຊີກວດຈັບການຫມຸນ (Gyroscope) ແລະ ເຊັນເຊີກວດຈັບອັດຕາການເຕັ້ນຂອງຫົວໃຈ (Heart Rate)
• Gear 2 ມີ 3 ສີຄື ດຳ, ນ້ຳຕານ ແລະ ສົ້ມ; Gear 2 Neo ມີ 3 ສີຄື ດຳ, ເທົາ ແລະ ສົ້ມ

image

Samsung Gear Fit
ແຕກຂະແຫນງອອກມາຈາກ Gear 2 ໂມງອັດສະລິຍະກາຍມາເປັນອຸປະກອນສຳລັບຕິດຕາມການອອກກຳລັງກາຍ. Gear Fit ຖືກອອກແບບມາໃຫ້ມີຮູບຮ່າງກະທັດຮັດ ເຫມາະສຳລັບຜູ່ທີ່ມັກການອອກກຳລັງກາຍ ໂດຍມີເຊັນເຊີກວດຈັບການເຄື່ອນໄຫວ, ການຫມູນ ແລະ ອັດຕາການເຕັ້ນຂອງຫົວໃຈ.

ລາຍລະອຽດຂອງຕົວເຄື່ອງ:
• ຫນ້າຈໍແບບໂຄ້ງຂະຫນາດ 1.84 ນິ້ວ Super AMOLED ຄວາມລະອຽດ 432×128 ພິກເຊວ
• ເຊື່ອມຕໍ່ກັບອຸປະກອນຂອງ Samsung ຜ່ານ Bluetooth 4.0
• ຮັບການແຈ້ງເຕືອນອີເມລ, ຂໍ້ຄວາມ, ສາຍເອີ້ນເຂົ້າ, ໂມງປຸກ, ປະຕິທິນ ແລະ ການແຈ້ງເຕືອນຈາກແອັບຯອື່ນໆ
• ເຊັນເຊີກວດຈັບການເຄື່ອນໄຫວ, ການຫມູນ ແລະ ອັກຕາການເຕັ້ນຂອງຫົວໃຈ
• ລະບົບປະຕິບັດການ Tizen
• ແບັດເຕີຣີ 210 mAh ໃຊ້ງານປົກກະຕິໄດ້ 2-3 ວັນ

ທັງ Gear 2, Gear 2 Neo ແລະ Gear Fit ຈະເລີ່ມວາງຂາຍພາຍໃນເດືອນເມສານີ້.

ທີ່ມາ: Android Central

Advertisements
Tagged with: , , , , ,
Posted in ຂ່າວເຕັກໂນໂລຊີ

ຕອບກັບ

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ​ແປງ )

Twitter picture

You are commenting using your Twitter account. Log Out / ປ່ຽນ​ແປງ )

Facebook photo

You are commenting using your Facebook account. Log Out / ປ່ຽນ​ແປງ )

Google+ photo

You are commenting using your Google+ account. Log Out / ປ່ຽນ​ແປງ )

Connecting to %s

%d bloggers like this: