ໂທລະສັບມືຖືແບບປັບສະເປັກແຍກຊິ້ນສ່ວນໄດ້ຈາກໂຄງການ Project Ara ຂອງ Google ອາດວາງຂາຍພາຍໃນປີຫນ້າ


image

ໂທລະສັບມືຖືແບບແຍກຊິ້ນສ່ວນປັບສະເປັກໄດ້ຂອງໂຄງການ Project Ara ຂອງ Google ອາດຈະວາງຂາຍພາຍໃນຕົ້ນປີ 2015 ໃນລາຄາເລີ່ມຕົ້ນ 50 ໂດລາສະຫະລັດ.

ກຸ່ມໂຄງການ ແລະ ເຕັກໂນໂລຊີທັນສະໄໝຂອງ Google (Advanced Technology and Projects group: ATAP group) ເຊິ່ງກຳລັງພັດທະນາ smartphone ທີ່ປະກອບມາຈາກຊິ້ນສ່ວນ hardware ນ້ອຍໆຫລາຍສ່ວນ ແລະ ສາມາດຖອດປ່ຽນໄດ້ ໄດ້ອອກມາລາຍງານວ່າມີແຜນຈະສ້າງເຄື່ອງຕົ້ນແບບຂອງອຸປະກອນດັ່ງກ່າວໃຫ້ສຳເລັດພາຍໃນອາທິດຫນ້າ ແລະ ຈະເລີ່ມກະກຽມສ້າງເວີຊັນສຳລັບວາງຂາຍໃນຕົ້ນປີ 2015.

ສຳລັບຜູ່ທີ່ຍັງບໍ່ຮູ້ວ່າ Project Ara ແມ່ນຫຍັງ, Project Ara ແມ່ນໂຄງການສ້າງ smartphone ທີ່ປະກອບມາຈາກຊິ້ນສ່ວນ hardware ຫລາຍອັນ ແລະ ສາມາດຖອດປ່ຽນຊິ້ນສ່ວນເຫລົ່ານັ້ນໄດ້ ບໍ່ວ່າຈະເປັນ ກ້ອງຖ່າຍຮູບ, ຫນ່ວຍຄວາມຈຳ, CPU, ຫນ້າຈໍ ແລະ ແບັດເຕີຣີເປັນຕົ້ນ ເພື່ອໃຫ້ເຫມາະສົມກັບຮູບແບບການໃຊ້ງານຂອງຜູ່ໃຊ້ໄດ້ ເຊັ່ນ ຖ້າມັກຖ່າຍຮູບ ອາດຈະປ່ຽນກ້ອງໃຫ້ມີຄວາມລະອຽດທີ່ສູງຂຶ້ນ, ຖ້າເປັນຄົນທີ່ມັກໃຊ້ໂທລະສັບຫລາຍກໍສາມາດເລືອກແບັດເຕີຣີທີ່ມີຄວາມຈຸສູງຂຶ້ນໄດ້. ໂຄງການນີ້ເລີ່ມມາຕັ້ງແຕ່ປີ 2012.

ໂຄງການດັ່ງກ່າວເປັນແນວຄິດທີ່ດີ ເພາະຮູບແບບການໃຊ້ໂທລະສັບມືຖືຂອງແຕ່ລະຄົນບໍ່ຄືກັນ ໂຄງການນີ້ອາດຈະມາເຕີມເຕັມໃນສ່ວນດັ່ງກ່າວນີ້ໄດ້ ແລະ ເຮົາກໍຫວັງວ່າອຸປະກອນທີ່ສ້າງຂຶ້ນມານັ້ນຈະມີຕົວເຄື່ອງທີ່ບໍ່ຫນາເກີນໄປ.

ທີ່ມາ: The Verge

Advertisements
Tagged with: , ,
Posted in ຂ່າວເຕັກໂນໂລຊີ

ຕອບກັບ

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ​ແປງ )

Twitter picture

You are commenting using your Twitter account. Log Out / ປ່ຽນ​ແປງ )

Facebook photo

You are commenting using your Facebook account. Log Out / ປ່ຽນ​ແປງ )

Google+ photo

You are commenting using your Google+ account. Log Out / ປ່ຽນ​ແປງ )

Connecting to %s

%d bloggers like this: