[MWC] Samsung ເປີດໂຕ Galaxy S5 ທີ່ມາພ້ອມເຊັນເຊີສະແກນລາຍນິ້ວມື ແລະ ເຊັນເຊີວັດອັດຕາການເຕັ້ນຂອງຫົວໃຈ


image

ໃນທີ່ສຸດ Samsung ກໍເປີດໂຕມືຖື flagship ລຸ້ນໃຫມ່ Samsung Galaxy S5 ໃນງານ Unpacked 5 Episode 1 ທີ່ Mobile World Congress 2014 ເຊິ່ງການອອກແບບຍັງຄົງບໍ່ແຕກຕ່າງກັບ Galaxy S3 ແລະ S4 ພໍປານໃດ ແຕ່ຄວາມແຕກຕ່າງທີ່ເຫັນໄດ້ຊັດຄືຝາຫລັງທີ່ມີລວດລາຍຊັດເຈນຂຶ້ນ ແລະ ປຸ່ມເມນູດ້ານຫນ້າກໍປ່ຽນໄປເປັນປຸ່ມ recent apps ແທນ.

ເຖິງຢ່າງໃດກໍຕາມ Samsung Galaxy S5 ກໍຈັດວ່າຢູ່ອັນດັບຕົ້ນໆຂອງ smartphone Android ແນ່ນອນ ເຊິ່ງສະເປັກເຕັມໆປະກອບມີ:
• ຫນ້າຈໍ Super AMOLED ຂະຫນາດ 5.1 ນິ້ວ ຄວາມລະອຽດ 1920×1080 ພິກເຊວ 432ppi
• CPU Snapdragon 801 quad-core ຄວາມຖີ່ 2.5 GHz
• Android 4.4.2 ເທິງ UI ແບບ TouchWiz
• ຫນ່ວຍຄວາມຈຳພາຍໃນ 16-32 GB (ເພີ່ມຫນ່ວຍຄວາມຈຳໄດ້), RAM 2 GB
• ກ້ອງຫລັງ 16 MP ໂຟກັສໄດ້ໄວສຸດ 0.3 ວິນາທີ, ຖ່າຍວິດີໂອຄວາມລະອຽດລະດັບ 4K, ກ້ອງຫນ້າ 2.1 MP
• ຮອງຮັບ LTE, NFC, Wi-Fi 802.11ac ແລະ MIMO
• ກັນນ້ຳ-ກັນຝຸ່ນໃນລະດັບມາດຕະຖານ IP67
• ມີລະບົບສະແກນລາຍນິ້ວມືໃນປຸ່ມ home, ມີໂຕກວດຈັບອັດຕາການເຕັ້ນຂອງຫົວໃຈ (ຕ້ອງແຕະນິ້ວຄ້າງ)
• ໃຊ້ພອດ USB 3.0 ຄືກັບ Galaxy Note 3
• ຕົວເຄື່ອງຫນາ 8.1 mm, ແບັດເຕີຣີຄວາມຈຸ 2,800 mAh
ທາງດ້ານ software ກໍມີການປັບປຸງ UI ຂອງ TouchWiz ຫລາຍພໍສົມຄວນ ໂດຍລວມຄື ໄອຄອນແບນຂຶ້ນ ແລະ ໂລ່ງຂຶ້ນຢ່າງເຫັນໄດ້ຊັດ. ຄຸນສົມບັດໃຫມ່ທີ່ເພີ່ມເຂົ້າມາມີຄື:
• Ultra Power Saving Mode ໂຫມດປະຢັດພະລັງງານສຳລັບຍາມວິກິດ ໂດຍຈະປັບຫນ້າຈໍເປັນຂາວດຳ ແລະ ໃຊ້ໄປຕໍ່ໄດ້ອີກ 24 ຊົ່ວໂມງເຖິງວ່າແບັດເຕີຣີຈະຍັງ 10%
• ລະບົບສະແກນລາຍນິ້ວມືສຳລັບໃຊ້ງານຮ່ວມກັບການຈ່າຍເງິນ ໃຊ້ໄດ້ຜ່ານ Samsung Store ຈ່າຍດ້ວຍ PayPal
• Selective Focus ເລືອກຕຳແຫນ່ງຊັດຂອງພາບໄດ້ ສ່ວນທີ່ບໍ່ຖືກເລືອກຈະບໍ່ແຈ້ງ ຄືກັບພາບຖ່າຍແບບຊັດຕື້ນ
• Download Booster ເພີ່ມຄວາມໄວດາວໂຫລດໄຟລ໌ ດ້ວຍການໃຊ້ Wi-Fi ແລະ LTE ຮ່ວມກັນ (ໄຟລ໌ຕ້ອງໃຫຍ່ກວ່າ 30 MB)
• S Health 3.0 ເຮັດວຽກຮ່ວມກັບເຊັນເຊີໃນໂຕເຄື່ອງ
• Kids Mode ສຳລັບໃຫ້ພໍ່ແມ່ຈຳກັດການເຂົ້າເຖິງຂອງລູກ
• Private Mode ສຳລັບຄົນມີຄວາມລັບ

Samsung ລະບຸວ່າ Galaxy S5 ຈະເລີ່ມຂາຍທົ່ວໂລກໃນເດືອນເມສາ ເຊິ່ງມີ 4 ສີດ້ວຍກັນຄື ດຳ, ຟ້າ, ຂາວ ແລະ ທອງແດງ ແຕ່ຍັງບໍ່ທັນຮູ້ລາຄາເທື່ອ.

image

image

image

ທີ່ມາ: CNET

Advertisements
Tagged with: , ,
Posted in Android, ຂ່າວເຕັກໂນໂລຊີ

ຕອບກັບ

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ​ແປງ )

Twitter picture

You are commenting using your Twitter account. Log Out / ປ່ຽນ​ແປງ )

Facebook photo

You are commenting using your Facebook account. Log Out / ປ່ຽນ​ແປງ )

Google+ photo

You are commenting using your Google+ account. Log Out / ປ່ຽນ​ແປງ )

Connecting to %s

%d bloggers like this: