ເຮົາຈະເຫັນຫຍັງແນ່ໃນງານ Mobile World Congress 2014 ທີ່ບາເຊໂລນາ ປະເທດສະເປນ?


image

ສະບາຍດີຜູ່ອ່ານທຸກຄົນ. ມື້ນີ້ເປັນມື້ທຳອິດຂອງງານ Mobile World Congress 2014 ເຊິ່ງຈັດຂຶ້ນທີ່ ບາເຊໂລນາ ປະເທດສະເປນ. ບັນດາບໍລິສັດເຕັກໂນໂລຊີຊັ້ນນຳຂອງໂລກຕ່າງກໍກຽມໂຕນຳສະເຫນີຜະລິດຕະພັນເດັດຂອງຕົນໃນງານນີ້ຢ່າງພ້ອມຫນ້າກັນ ແລະ ລຸ່ມນີ້ແມ່ນບາງສ່ວນທີ່ພວກເຮົາຈະໄດ້ເຫັນໃນງານນີ້

Samsung Galaxy S5, Gear 2 ແລະ Gear 2 Neo
ມີຂ່າວລືຫລຸດມາບໍ່ເວັ້ນມື້ເວັ້ນວັນກັບ Galaxy S5 ມືຖື flagship ລຸ້ນໃຫມ່ຈາກຄ້າຍ Samsung ທີ່ມີຂ່າວລືວ່າຈະມີລະບົບສະແກນລາຍນິ້ວມືພ້ອມ. ສ່ວນໂມງອັດສະລິຍະທີ່ຕໍ່ຍອດມາຈາກ Galaxy Gear ກໍຖືກປະກາດອອກມາແລ້ວ ແຕ່ບໍ່ໄດ້ໃຊ້ລະບົບປະຕິບັດການ Android ຄືເກົ່າ ປ່ຽນໄປໃຊ້ລະບົບປະຕິບັດການ Tizen ທີ່ພັດທະນາໂດຍ Samsung ເອງ. ໂດຍໂມງທັງສອງລຸ້ນນັ້ນມີຊື່ວ່າ Gear 2 ແລະ Gear 2 Neo.

Nokia X (Normandy) ມືຖື Android ລຸ້ນທຳອິດຂອງ Nokia
ມື້ນີ້ກໍຈະໄດ້ຮູ້ກັນແລ້ວວ່າ Nokia ຈະເປີດໂຕມືຖື Android ແທ້ບໍ່ ຫລື ວ່າຈະເປັນອັນອື່ນ?

ມືຖືຈາກ Huawei
Huawei ກໍບໍ່ຍອມນ້ອຍຫນ້າຄູ່ແຂ່ງເປີດໂຕອຸປະກອນໃຫມ່ ເຊິ່ງລວມມີ Ascend G6 ສຳລັບຜູ່ມັກຖ່າຍຮູບໂຕເອງ, ແທັບເລັດ MediaPad X1 ແລະ MedaiPad M1 ແລະ ສາຍຮັດຂໍ້ມືອັດສະລິຍະ TalkBand B1.

Microsoft
ເຖິງວ່າຍັກໃຫຍ່ເຈົ້ານີ້ຈະບໍ່ເປີດໂຕລະບົບປະຕິບັດການ Windows Phone 8.1 ໃນງານ MWC ແຕ່ກໍໄດ້ເຜີຍລາຍລະອຽດບາງສ່ວນກ່ຽວກັບອັບເດດທີ່ຈະໄດ້ຮັບໃນລະດູໃບໄມ້ປົ່ງນີ້. ພ້ອມກັນນັ້ນກໍເປີດໂຕອັບເດດໃຫຍ່ຂອງ Windows 8.1 ທີ່ຈະໄດ້ປ່ອຍອັບເດດໃນເວລາດຽວກັນກັບ Windows Phone 8.1.

Mozilla
ເຈົ້ານີ້ກໍບໍ່ນ້ອຍຫນ້າຫມູ່ ເປີດໂຕມືຖືຕົ້ນແບບ FireFox OS Flame ເຊິ່ງມາພ້ອມກັບ CPU ທີ່ແຮງຂຶ້ນ ແລະ ລະບົບ NFC.

LG
LG ກໍຄືກັນກັບເຈົ້າອື່ນໆ ຂົນຂະບວນ smartphone ມາເປີດຕົວຫລາຍລຸ້ນບໍ່ວ່າຈະເປັນ LG G Pro 2, LG L series ແລະ LG G2 Mini.

Sony
ຈາກຂ່າວລື ຖ້າເປັນຄວາມຈິງກໍຫນ້າຈະໄດ້ເຫັນ Sony. ຜູ່ຜະລິດມືຖືສຸດສົມບູນແບບຂອງເຮົາເປີດໂຕ Sony Xperia Z2 ແລະ Xperia G.

BlackBerry
ຜ່ານພົ້ນມໍລະສຸມຕ່າງໆມາຫມາດໆເນາະກັບ BlackBerry ຂອງເຮົາ. ຕາມຂ່າວລື BlackBerry ອາດຈະເປີດໂຕມືຖືລຸ້ນໃຫມ່ໃນຊື່ BlackBerry Z3.

ຂ້າງເທິງນັ້ນກໍເປັນພຽງບາງສ່ວນທີ່ເຮົາຮວບຮວມມາໄດ້  ສ່ວນລາຍລະອຽດອື່ນໆກໍຕິດຕາມກັນໄດ້ພາຍຫລັງງານເປີດແບບຊົ່ວໂມງຕໍ່ຊົ່ວໂມງກັບ ຄຳຮູ້.

Advertisements
Tagged with: ,
Posted in ຂ່າວເຕັກໂນໂລຊີ

ຕອບກັບ

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ​ແປງ )

Twitter picture

You are commenting using your Twitter account. Log Out / ປ່ຽນ​ແປງ )

Facebook photo

You are commenting using your Facebook account. Log Out / ປ່ຽນ​ແປງ )

Google+ photo

You are commenting using your Google+ account. Log Out / ປ່ຽນ​ແປງ )

Connecting to %s

%d bloggers like this: