Google ເປີດເຜີຍໂຄງການ Tango ສ້າງແຜນທີ່ຮອບຕົວດ້ວຍ smartphone


image

ທ່ານຄິດວ່າຈະເປັນການດີບໍ່ ຖ້າເຮົາສາມາດໃຊ້ Google Maps ນຳທາງໄປຍັງສະຖານທີ່ໃດຫນຶ່ງທີ່ສະເພາະເຈາະຈົງຍິ່ງຂຶ້ນ ເຊັ່ນ ຫ້ອງໆຫນຶ່ງ ໃນຕຶກແຫ່ງຫນຶ່ງ ທີ່ຕັ້ງຢູ່ໃນຖະຫນົນເສັ້ນຫນຶ່ງ. ມື້ນີ້ຄວາມສາມາດດັ່ງກ່າວກຳລັງຈະກາຍເປັນຈິງແລ້ວ.

Google ບໍລິສັດເຕັກໂນໂລຊີຊັ້ນນຳຂອງໂລກໄດ້ເປີດເຜີຍ smartphone ຕົ້ນແບບ ທີ່ໃຊ້ເຊັນເຊີເພື່ອສ້າງແຜນທີ່ຮອບຕົວມັນ ເຮັດໃຫ້ທຸກຄົນ (ຜູ່ໃຊ້ ແລະ Google) ສາມາດເຂົ້າເຖິງແຜນທີ່ມີລາຍລະອຽດຫລາຍຂຶ້ນ.

Smartphone ຕົ້ນແບບດັ່ງກ່າວແມ່ນສ່ວນຫນຶ່ງຂອງໂຄງການ Tango ເຊິ່ງເປັນໂທລະສັບ Android ຂະຫນາດຈໍ 5 ນິ້ວ ທີ່ສາມາດກວດຈັບສະຖານທີ່ ແລະ ການເຫນັງຕີງໃນຂະນະທີ່ມັນຢູ່ໃນກະເປົ໋າ ຫລື ຖົງເສື້ອ/ສົ້ງ ແລະ ເຄື່ອນທີ່ໄປພ້ອມກັບທ່ານ. ຫລັງຈາກເຄື່ອນໄຫວພຽງພໍ ມັນຈະສ້າງແຜນທີ່ແບບ 3 ມິຕິຂອງໂລກອ້ອມຕົວທ່ານ ເຊັ່ນ ເຮືອນຂອງທ່ານ, ຮ້ານກາເຟທີ່ທ່ານໄປ ຫລື ຮ້ານຄ້າຕ່າງໆທີ່ທ່ານໄດ້ໄປຊື້ເຄື່ອງ ເປັນຕົ້ນ. ຕອນນີ້ Google ມີເຄື່ອງຕົ້ນແບບຢູ່ 200 ເຄື່ອງ ແລະ ຈະເລີ່ມສົ່ງໄປໃຫ້ນັກພັດທະນາພາຍໃນເດືອນນີ້.

ຖ້າທ່ານເປັນຄົນຫນຶ່ງທີ່ບໍ່ກັງວົນໃຈກ່ຽວກັບຄວາມເປັນສ່ວນຕົວ ທີ່ຈະເກີດຂຶ້ນຈາກການຕິດຕາມສະຖານທີ່ ແລະ ການສະແກນຫ້ອງຂອງທ່ານ ຂອງອຸປະກອນດັ່ງກ່າວ, ນີ້ອາດຈະເປັນຄວາມຄິດທີ່ດີໃນການສ້າງແຜນທີ່ທີ່ມີຄວາມຊັດເຈນ ແລະ ລະອຽດຍິ່ງຂຶ້ນ ເພື່ອໃຫ້ສາມາດນຳທາງພາຍໃນຕຶກອາຄານ ຫລື ສະຖານທີ່ທີ່ຢູ່ເລິກລົງໄປໃນພື້ນດິນໄດ້.

ຍັງບໍ່ມີການລາຍງານວ່າ ເມື່ອໃດໂທລະສັບດັ່ງກ່າວຈະຖືກນຳອອກມາຈຳຫນ່າຍໃຫ້ຜູ່ບໍລິໂພກທົ່ວໄປໄດ້ໃຊ້. ນອກຈາກໂຄງການ Tango ນີ້ແລ້ວ, Google ຍັງມີໂຄງການ Project Ara ເຊິ່ງເປັນໂຄງການສ້າງ smartphone ແບບແຍກຊິ້ນສ່ວນ ປັບ specs ໄດ້.

ທີ່ມາ: Popular Science

Advertisements
Tagged with: , ,
Posted in ຂ່າວເຕັກໂນໂລຊີ, ຂ່າວໄອທີ

ຕອບກັບ

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ​ແປງ )

Twitter picture

You are commenting using your Twitter account. Log Out / ປ່ຽນ​ແປງ )

Facebook photo

You are commenting using your Facebook account. Log Out / ປ່ຽນ​ແປງ )

Google+ photo

You are commenting using your Google+ account. Log Out / ປ່ຽນ​ແປງ )

Connecting to %s

%d bloggers like this: