Facebook ເຂົ້າຊື້ Whatsapp ດ້ວຍມູນຄ່າ 19 ຕື້ໂດລາ


image

ໄລຍະນີ້ຮູ້ສຶກວ່າຈະມີຟ້າແມບດຸເນາະ. ຫລ້າສຸດ Facebook ເວັບໄຊເຄືອຂ່າຍສັງຄົມອອນໄລນ໌ຍັກໃຫຍ່ຂອງ Mark Zuckerburg ໄດ້ປະກາດເຂົ້າຊື້ Whatsapp ແອັບຯບໍລິການສົນທະນາຊື່ດັງ ດ້ວຍມູນຄ່າ 19 ຕື້ໂດລາສະຫະລັດ. ໂດຍໃນຈຳນວນ 19 ຕື້ໂດລານັ້ນ ແບ່ງເປັນຈ່າຍສົດ 4 ຕື້ໂດລາ, ຮຸ້ນຈຳນວນ 183.9 ລ້ານຮຸ້ນ ມູນຄ່າ 12 ຕື້ໂດລາ ແລະ ຮຸ້ນແບບຈຳກັດສິດ ໃຫ້ຜູ່ກໍ່ຕັ້ງ ແລະ ພະນັກງານ Whatsapp ອີກ 3 ຕື້ໂດລາ.

ພາຍຫລັງການເຂົ້າຊື້ຄັ້ງນີ້ Whatsapp ຈະຍັງຄົງໃຫ້ບໍລິການຄືເກົ່າ ແລະ ຍັງຄົງໃຊ້ເຄື່ອງຫມາຍການຄ້າ Whatsapp® ຄືເກົ່າ ໂດຍ Jan Koum ຜູ່ກໍ່ຕັ້ງ ແລະ CEO ຂອງ Whatsapp ຈະເຂົ້າຮ່ວມເປັນຫນຶ່ງໃນຄະນະບໍລິຫານຂອງ Facebook.

Mark Zuckerburg, CEO ຂອງ Facebook ກ່າວວ່າ Facebook Messenger ແລະ Whatsapp ຈະບໍ່ຖືກລວມເຂົ້າກັນເນື່ອງຈາກມີຖານຜູ່ໃຊ້ງານ ແລະ ພຶດຕິກຳການໃຊ້ງານຕ່າງກັນ. ເປົ້າຫມາຍຫລັກຂອງ Whatsapp ຕໍ່ຈາກນີ້ຄື ເພິ່ມຈຳນວນຜູ່ໃຊ້ໃຫ້ໄດ້ຫລາຍທີ່ສຸດ ແລະ ຈະໃຊ້ເປັນເຄື່ອງມືຄວບຄູ່ກັບ Internet.org ເພື່ອເຊື່ອມຕໍ່ຄົນທົ່ວໂລກເຂົ້າກັນ. Mark Zuckerburg ຍັງກ່າວຕື່ມອີກວ່າ ຈະບໍ່ໃສ່ໂຄສະນາລົງໄປໃນ Whatsapp ເພາະແອັບຯສົນທະນາບໍ່ຄວນຫາເງິນດ້ວຍວິທີນີ້.

Whatsapp ເປັນແອັບຯສົນທະນາທີ່ມີຜູ່ໃຊ້ງານສູງເຖິງ 450 ລ້ານຄົນໃນແຕ່ລະເດືອນ ໂດຍມີຜູ່ໃຊ້ງານປະຈຳຢູ່ທີ່ 70% ແລະ ອັດຕາການເພີ່ມຂຶ້ນຂອງຜູ່ໃຊ້ງານຢູ່ທີ່ 1 ລ້ານຄົນຕໍ່ມື້.

ທີ່ມາ: Wall Street Journal

Advertisements
Tagged with: ,
Posted in ຂ່າວເຕັກໂນໂລຊີ

ຕອບກັບ

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ​ແປງ )

Twitter picture

You are commenting using your Twitter account. Log Out / ປ່ຽນ​ແປງ )

Facebook photo

You are commenting using your Facebook account. Log Out / ປ່ຽນ​ແປງ )

Google+ photo

You are commenting using your Google+ account. Log Out / ປ່ຽນ​ແປງ )

Connecting to %s

%d bloggers like this: