[ຂ່າວລື] Apple ຈະເປີດໂຕ iPhone ລຸ້ນໃຫມ່ ຫນ້າຈໍໃຫຍ່ກວ່າເກົ່າ 2 ລຸ້ນໃນເດືອນກັນຍາ


image

ຕາມການລາຍງານຂອງສຳນັກຂ່າວ South China Morning Post, Apple ຈະເປີດໂຕມືຖື iPhone ໃຫມ່ 2 ລຸ້ນ ທີ່ມີຫນ້າຈໍໃຫຍ່ກວ່າເກົ່າຂະຫນາດ 4.7 ນິ້ວ ແລະ 5.5 ນິ້ວ ໃນເດືອນກັນຍານີ້ ໂດຍອ້າງວ່າບຸກຄົນພາຍໃນໄດ້ເຫັນເຄື່ອງຕົ້ນແບບ (prototypes) ແລ້ວ ແລະ ຍັງລາຍງານອີກວ່າ iPhone ທັງ 2 ລຸ້ນຈະມີຫນ້າຈໍທີ່ມີຄວາມຫນາແຫນ້ນຂອງພິກເຊວ 441 ppi ເຊິ່ງລະອຽດກວ່າ iPhone 5S ແລະ 5C ທີ່ມີຄວາມຫນາແຫນ້ນຂອງພິກເຊວພຽງແຕ່ 326 ppi.

ນອກຈາກນັ້ນ, ແຫລ່ງຂ່າວຍັງລາຍງານອີກວ່າ ມືຖືທັງ 2 ລຸ້ນຈະໃຊ້ຫນ້າຈໍແບບແບນ (flat screen) ບໍ່ແມ່ນຫນ້າຈໍແບບໂຄ້ງ (curved screen) ດັ່ງທີ່ສື່ຕ່າງໆໄດ້ລາຍງານກ່ອນຫນ້ານີ້ ແລະ Apple ຈະຢຸດຜະລິດ iPhone 5C.

Apple ໄດ້ທົດລອງຫນ້າຈໍຫລາຍຂະຫນາດ ຕັ້ງແຕ່ 4.7-5.7 ນິ້ວ ສຳລັບ iPhone ລຸ້ນຕໍ່ໄປ ເຊິ່ງເລີ່ມມາແຕ່ຕົ້ນປີ 2013. ວານນີ້ Korea Herald ລາຍງານວ່າ iPhone 6 ຈະມີຫນ້າຈໍແບບ “ເຕັມຈໍ” ຄື ບໍ່ມີປຸ່ມ Home, ຫນ້າຈໍຈະຕິດຂອບເທິງ ແລະ ຂອບລຸ່ມເລີຍ.

ນອກຈາກນັ້ນ ເມື່ອອາທິດກ່ອນຍັງມີການລາຍງານອີກວ່າ GT Advance ເຊິ່ງເປັນຄູ່ຄ້າກັບ Apple  ກຳລັງຈະເປີດຖານຜະລິດໃນເມືອງ Mesa ລັດ Arizona ເພື່ອກຽມພ້ອມຜະລິດຫນ້າຈໍໄພລິນ (sapphire), ຄາດວ່າຜະລິດສຳລັບ iPhone 6. ໃນຂະນະທີ່ອີກລາຍງານຫນຶ່ງກ່າວວ່າ ຜະລິດຕະພັນທີ່ເຮັດຈາກໄພລິນອັນທຳອິດຂອງ Apple ຫນ້າຈະເປັນ iWatch ຫລາຍກວ່າ, ບໍ່ແມ່ນ iPhone ລຸ້ນຕໍ່ໄປ.

ທີ່ມາ: MacRumors

Advertisements
Tagged with: , ,
Posted in ຂ່າວເຕັກໂນໂລຊີ

ຕອບກັບ

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ​ແປງ )

Twitter picture

You are commenting using your Twitter account. Log Out / ປ່ຽນ​ແປງ )

Facebook photo

You are commenting using your Facebook account. Log Out / ປ່ຽນ​ແປງ )

Google+ photo

You are commenting using your Google+ account. Log Out / ປ່ຽນ​ແປງ )

Connecting to %s

%d bloggers like this: