ເຕືອນຊາວ Android! ພົບເກມ Flappy Bird ປອມ ແຖມມັລແວຣ໌


image

ບໍລິສັດທາງດ້ານຄວາມປອດໄພລາຍງານວ່າ ໄດ້ພົບແອັບຯລອກລຽນແບບ ເກມ Flappy Bird ທີ່ມີມັລແວຣ໌ແຝງມານຳໃນຮ້ານຄ້າແອັບຯ Android ຂອງບຸກຄົນທີສາມ (third-party Android app marketplaces).

ການທີ່ຜູ່ສ້າງເກມ Flappy Bird ໄດ້ຖອດແອັບຯອອກຈາກຮ້ານຄ້າ Play Store ນັ້ນໄດ້ກາຍເປັນຊ່ອງທາງໃຫ້ແກ່ຜູ່ສ້າງມັລແວຣ໌ປ່ອຍມັລແວຣ໌ໃຫ້ແກ່ຜູ່ໃຊ້ທີ່ບໍ່ລະມັດລະວັງ.

ອີງຕາມການລາຍງານຂອງ Sophos ບໍລິສັດດ້ານຄວາມປອດໄພທາງອິນເຕີເນັດ, ພວກເຂົາໄດ້ພົບແອັບຯຫລາຍໂຕທີ່ອ້າງວ່າເປັນເກມ Flappy Bird ໃນຮ້ານຄ້າແອັບຯ Android ທີ່ບໍ່ແມ່ນ Play Store. ປັນຫາກໍຄື ແອັບຯບາງໂຕນັ້ນມີມັລແວຣ໌ແຝງມານຳ ແລະ ບາງຕົວກໍບັງຄັບໃຫ້ຜູ່ໃຊ້ສົ່ງຂໍ້ຄວາມໄປຫາເບີທີ່ໄດ້ຕັ້ງໄວ້ ເຊິ່ງເປັນການສົ່ງຂໍ້ມູນທີ່ຈະເຮັດໃຫ້ຜູ່ໃຊ້ໄດ້ຮັບຄວາມເສຍຫາຍຈາກຜູ່ສ້າງມັລແວຣ໌ໄດ້.

Trend Micro ບໍລິສັດດ້ານຄວາມປອດໄພອີກບໍລິສັດຫນຶ່ງກ່າວວ່າ ພວກເຂົາກໍໄດ້ພົບແອັບຯຈຳນວນຫນຶ່ງທີ່ອ້າງວ່າເປັນເກມ Flappy Bird ໂດຍຫນຶ່ງໃນນັ້ນຈະສົ່ງຂໍ້ຄວາມໄປຫາເບີທີ່ຕັ້ງໄວ້ເພື່ອສະຫມັກໃຊ້ບໍລິການແບບພິເສດ ແລະ ເຮັດໃຫ້ເກີດຄ່າໃຊ້ຈ່າຍເພີ່ມເຕີມພາຍໃນບິນຈ່າຍຄ່າໂທລະສັບຂອງຜູ່ທີ່ຕົກເປັນເຫຍື່ອ.

ເນື່ອງຈາກເກມດັ່ງກ່າວກາຍເປັນກະແສໂດ່ງດັງຂຶ້ນມາແບບກະທັນຫັນ ແລະ ຖືກຖອດອອກຈາກຮ້ານຄ້າໂດຍຜູ່ພັດທະນາເອງ ເຮັດໃຫ້ບາງຄົນທີ່ໄດ້ອ່ານຂ່າວກ່ຽວກັບເກມ ແຕ່ຍັງບໍ່ທັນເຄີຍຫລິ້ນ ຢາກລອງຫລິ້ນເບິ່ງ ແລະ ບຸກຄົນເຫລົ່ານັ້ນກໍມີຄວາມສ່ຽງສູງທີ່ຈະຕົກເປັນເຫຍື່ອຂອງຜູ່ບໍ່ຫວັງດີໄດ້ ເພາະຕ້ອງໄດ້ໄປຄົ້ນຫາໃນ search engine ເພື່ອຫາເກມຈາກນອກ Play Store ມາຕິດຕັ້ງ ໂດຍບໍ່ຮູ້ວ່າໄຟລ໌ apk ທີ່ດາວໂຫລດມານັ້ນອາດມີມັລແວຣ໌ແຖມມານຳ.

ທາງປ້ອງກັນທີ່ດີທີ່ສຸດກໍຄື ບໍ່ຄວນດາວໂຫລດແອັບຯທີ່ອ້າງວ່າເປັນອກມ Flappy Bird ເພາະເວີຊັນແທ້ນັ້ນໄດ້ “ຕາຍ” ໄປແລ້ວ ແລະ ຄວນລະວັງແອັບຯທີ່ດາວໂຫລດຈາກຮ້ານຄ້າຂອງບຸກຄົນທີສາມ.

ທີ່ມາ: CNET

Advertisements
Tagged with: ,
Posted in ແວດວົງເກມ

ຕອບກັບ

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ​ແປງ )

Twitter picture

You are commenting using your Twitter account. Log Out / ປ່ຽນ​ແປງ )

Facebook photo

You are commenting using your Facebook account. Log Out / ປ່ຽນ​ແປງ )

Google+ photo

You are commenting using your Google+ account. Log Out / ປ່ຽນ​ແປງ )

Connecting to %s

%d bloggers like this: