Nokia ຈະເປີດໂຕມືຖື Android ທ້າຍເດືອນນີ້


image

The Wall Street Journal ລາຍງານວ່າ Nokia ຈະເປີດໂຕໂທລະສັບມືຖືທີ່ໃຊ້ລະບົບປະຕິບັດການ Android ໃນງານ Mobile World Congress ທ້າຍເດືອນນີ້.

ໂທລະສັບດັ່ງກ່າວ “ຈະຖືກປັບແຕ່ງໂດຍບໍ່ມີການສົ່ງເສີມຄຸນສົມບັດທີ່ພັດທະນາໂດຍ Google ຄືກັບມືຖື Android ທົ່ວໄປ” ບຸກຄົນວົງໃນໃຫ້ຂໍ້ມູນກັບ Wall Street Journal. ເວົ້າອີກຢ່າງຫນຶ່ງກໍຄື Nokia ໄດ້ປັບແຕ່ງ Android ໃຫມ່ ແລະ ອຸປະກອນດັ່ງກ່າວກໍຈະໃຊ້ Play Store ແລະ ແອັບຯໃນຊຸດດຽວກັນບໍ່ໄດ້.

ແທນທີ່ຈະໃຊ້ Gmail ຫລື Google Maps, Nokia ຈະໃຊ້ແອັບຯຂອງຕົນເອງ ແລະ ຂອງ Microsoft ເຊັ່ນ ລະບົບແຜນທີ່ Here ແລະ ບໍລິການຟັງເພງອອນໄລນ໌ Mix Radio. ນອກຈາກນັ້ນ Nokia ຍັງຈະໃຊ້ຮ້ານຄ້າຂາຍແອັບຯຂອງຕົນເອງອີກດ້ວຍ.

ດັ່ງທີ່ສື່ຫລາຍເຈົ້າໄດ້ລາຍງານທີ່ຜ່ານມາ, Nokia ໄດ້ດຳເນີນການປັບແຕ່ງ Android ໃນຂະນະທີ່ Microsoft ກຽມຈະເຂົ້າຊື້ຫນ່ວຍທຸລະກິດມືຖືເມື່ອປີກ່ອນ. Microsoft ກ່າວວ່າ ພວກເຂົາມີເຫດຜົນຫລາຍປະການທີ່ຈະນຳໃຊ້ລະບົບປະຕິບັດການ Android ໄປຄຽງຄູ່ກັບລະບົບປະຕິບັດການ Windows Phone ຂອງຕົນ ເຊັ່ນວ່າ ຄວາມຕ້ອງການທີ່ຈະເຮັດໃຫ້ປະສິດທິພາບໃນການຜະລິດຂອງ Nokia ເພີ່ມຂຶ້ນ ແລະ ຊົດເຊີຍຄ່າໃຊ້ຈ່າຍທີ່ສູງໃນການດຳເນີນທຸລະກິດຂອງຫນ່ວຍທຸລະກິດມືຖື. ອີງຕາມແຫລ່ງຂ່າວຂອງ Wall Street Journal, ອີກຫນຶ່ງເຫດຜົນທີ່ສຳຄັນກໍຄື ລະບົບປະຕິບັດການ Windows Phone ຂອງພວກເຂົາໃຊ້ງານເທິງມືຖື low-end ບໍ່ໄດ້ ເຊິ່ງບີບບັງຄັບໃຫ້ Microsoft ຕ້ອງເລືອກທີ່ຈະປະຕິບັດ ແລະ ນຳໃຊ້ລະບົບປະຕິບັດການຂອງຄູ່ແຂ່ງທີ່ສຳຄັນສຳລັບການຕີຕະຫລາດມືຖື smartphone ລະດັບລຸ່ມ.

image

ຫລາຍອາທິດທີ່ຜ່ານມາ ສື່ກໍ່ໄດ້ປ່ອຍຮູບພາບຫນ້າຈໍຂອງມືຖື Android ຂອງ Nokia ເຊິ່ງມີຊື່ລະຫັດວ່າ Normandy ທີ່ໃກ້ຈະແລ້ວສົມບູນນັ້ນອອກມາເລື້ອຍໆ. ຕົວອຸປະກອນຈະປະກອບດ້ວຍຄຸນສົມບັດຕ່າງໆສຳລັບຕີຕະລາດລະດັບລຸ່ມ ແລະ ຮູບຮ່າງຫນ້າຕາຂອງມັນກໍເຮັດໃຫ້ຄິດເຫັນພາບຂອງມືຖືຕະກູນ Asha ເຊິ່ງໃນສ່ວນຂອງຫນ້າຈໍນັ້ນ Nokia ໄດ້ອອກແບບມາແບບລູກປະສົມລະຫວ່າງ Android ແລະ Windows Phone.

Nokia ໄດ້ສົ່ງຫນັງສືເຊິນສື່ເຂົ້າຮ່ວມງານເປີດໂຕຜະລິດຕະພັນໃຫມ່ທີ່ງານ Mobile World Congress ໃນຕອນເຊົ້າຂອງວັນທີ 24 ກຸມພາທີ່ຈະມາຮອດນີ້ ເຊິ່ງເປັນໄປໄດ້ສູງວ່າຜະລິດຕະພັນນັ້ນອາດຈະເປັນມືຖື Normandy. ງານດັ່ງກ່າວຈັດຂຶ້ນພາຍໃຕ້ຫົວຂໍ້ “ຢູ່ກ້ອງຕົ້ນໄມ້ (Under the Tree)” ເຊິ່ງເປັນການບອກໃບ້ທີ່ເປັນໄປໄດ້ວ່າມືຖືທີ່ຈະເປີດໂຕອາດຈະເປັນ Android ທີ່ຜ່ານການປັບແຕ່ງຂອງ Nokia ນັ້ນເອງ.

ທີ່ມາ: Android Authority

Advertisements
Tagged with: , , , , ,
Posted in ຂ່າວເຕັກໂນໂລຊີ

ຕອບກັບ

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ​ແປງ )

Twitter picture

You are commenting using your Twitter account. Log Out / ປ່ຽນ​ແປງ )

Facebook photo

You are commenting using your Facebook account. Log Out / ປ່ຽນ​ແປງ )

Google+ photo

You are commenting using your Google+ account. Log Out / ປ່ຽນ​ແປງ )

Connecting to %s

%d bloggers like this: