ຫົວຫນ້າຝ່າຍ BBM ກຽມຈາກລາ BlackBerry


image

ເມື່ອວັນຈັນທີ່ຜ່ານມາ BlackBerry ໄດ້ລາຍງານວ່າ ຫົວຫນ້າຝ່າຍທຸລະກິດ BBM ກຳລັງຈະລາອອກຈາກບໍລິສັດແລ້ວ.

Andrew Bocking ຮອງປະທານຝ່າຍບໍລິຫານ ແລະ ຫົວຫນ້າຝ່າຍທຸລະກິດ BBM ຂອງ BlackBerry ເປັນພະນັກງານບໍລິຫານອີກຄົນຫນຶ່ງທີ່ກຽມຈະຈາກ BlackBerry. BlackBerry ໄດ້ຢືນຢັນການລົງຈາກຕຳແຫນ່ງຂອງ Bocking ກັບ CNET.

ບໍລິການ BBM ຂອງ BlackBerry ໄດ້ຮັບຄວາມສົນໃຈຢ່າງລົ້ນຫລາມເມື່ອຕອນທີ່ເປີດໂຕທຳອິດເທິງລະບົບປະຕິບັດການ iOS ແລະ Android ເຊິ່ງມີຍອດດາວໂຫລດສູງເຖິງ 10 ລ້ານຄັ້ງພາຍໃນ 24 ຊົ່ວໂມງທຳອິດ. ແຕ່ການເປີດໂຕໃນລະບົບປະຕິບັດການທັງສອງນັ້ນກໍບໍ່ປາສະຈາກຂໍ້ບົກພ່ອງ ແລະ Andrew Bocking ນີ້ເອງທີ່ເປັນຄົນອອກຫນ້າລາຍງານຕໍ່ສາທາລະນະຢ່າງເປັນປົກກະຕິໃນເວັບບຼັອກຂອງບໍລິສັດ.

BlackBerry ປະຕິເສດທີ່ຈະໃຫ້ຄວາມເຫັນຕໍ່ເຫດຜົນເບື້ອງຫລັງໃນການລາອອກຂອງ Bocking, ໂດຍໃຫ້ຂໍ້ມູນພຽງແຕ່ວ່າມັນເປັນການຕັດສິນໃຈຂອງລາວເອງ.

John Sims ຫົວຫນ້າຝ່າຍແກ້ໄຂປັນຫາອົງກອນທົ່ວໄປຈະເຂົ້າມາຮັບຕຳແຫນ່ງແທນ Bocking ເຊິ່ງຫນ່ວຍທຸລະກົດ BBM ກໍຍັງຄົງຈະດຳເນີນຕໍ່ໄປ.

ປັດຈຸບັນ BlackBerry ຢູ່ໃນໄລຍະການປ່ຽນແປງເຊິ່ງນຳໂດຍ John Chen ເຊິ່ງໄດ້ສັນຍາວ່າ ຈະເນັ້ນໃສ່ທຸລະກິດອຸປະກອນລະດັບ high-end ແລະ ລູກຄ້າໃນສ່ວນລັດຖະບານໃຫ້ຫລາຍຂຶ້ນ. ກ່ອນຫນ້ານີ້ Chen ໄດ້ຖະແຫລງຂ່າວຕໍ່ສື່ວ່າ ມີແຜນການໃຫຍ່ສຳລັບ BBM ແລະ ບົດບາດຂອງມັນໃນການຕິດຕໍ່ສື່ສານແບບໄຮ້ສາຍທີ່ກວ້າງຂຶ້ນ.

ທີ່ມາ: CNET

Advertisements
Tagged with: ,
Posted in ຂ່າວເຕັກໂນໂລຊີ

ຕອບກັບ

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ​ແປງ )

Twitter picture

You are commenting using your Twitter account. Log Out / ປ່ຽນ​ແປງ )

Facebook photo

You are commenting using your Facebook account. Log Out / ປ່ຽນ​ແປງ )

Google+ photo

You are commenting using your Google+ account. Log Out / ປ່ຽນ​ແປງ )

Connecting to %s

%d bloggers like this: