NASA ເປີດຮັບໃບຄຳຮ້ອງຈາກບໍລິສັດທີ່ຕ້ອງການໄປຂຸດຄົ້ນແຮ່ທາດຢູ່ດວງຈັນ


image

ໂລກຂອງເຮົານີ້ນັບມື້ນັບໄປໄກຂຶ້ນເລື້ອຍໆ ສິ່ງໃດທີ່ບໍ່ມີ ຫລື ຫາໃນໂລກຍາກກໍອອກໄປຫາເອົາຢູ່ນອກໂລກແທນ. ຕາມການລາຍງານຫລ້າສຸດຈາກ The Verge, NASA ກຳລັງຮ່ວມມືກັບບໍລິສັດເອກະຊົນຫລາຍບໍລິສັດເພື່ອ “ສຳຫລວດດວງຈັນ” ໃນຂັ້ນຕົ້ນ ໂດຍມີຈຸດປະສົງຄົ້ນຫາຊັບພະຍາກອນທີ່ສຳຄັນເຊັ່ນ Helium-3 ແລະ ໂລຫະທີ່ຫາຍາກໃນໂລກ.

ໃນມື້ອື່ນນີ້ ຈະມີການຍື່ນສະເຫນີໂຄງການເບື້ອງຕົ້ນສຳລັບ “ການຂົນສົ່ງ ແລະ ການລົງຈອດເທິງດວງຈັນ ດ້ວຍແຜນງານການສຳຜັດພື້ນຜິວແບບນຸ້ມນວນ” ໂດຍຈະມີບໍລິສັດຫນຶ່ງ ຫລື ຫລາຍກວ່າຫນຶ່ງທີ່ຈະຊະນະການເຮັດສັນຍາເພື່ອສ້າງຫຸ່ນຍົນສຳຫລວດແຮ່ທາດ ເຊິ່ງເປັນຂັ້ນຕອນທຳອິດຂອງການຂຸດຄົ້ນແຮ່ທາດເທິງດວງຈັນ.

ສັນຍາດັ່ງກ່າວຈະເປັນສັນຍາຕາມກົດຫມາຍຂໍ້ຕົກລົງກ່ຽວກັບອາວະກາດ “ທີ່ບໍ່ມີການແລກປ່ຽນທຶນ” ເຊິ່ງຫມາຍຄວາມວ່າລັດຖະບານສະຫະລັດຈະບໍ່ມີການຊ່ວຍເຫລືອທາງດ້ານທຶນໂດຍກົງ ແຕ່ຈະໄດ້ຮັບການສະຫນັບສະຫນູນຈາກ NASA ແທນ. ການຍື່ນສະເຫນີໂຄງການຈະປິດລົງໃນວັນທີ 17 ມີນາ 2014 ນີ້ ແຕ່ NASA ຍັງບໍ່ທັນແຈ້ງການເທື່ອວ່າຈະປະກາດຜູ່ຊະນະມື້ໃດ.

NASA ໄດ້ຮ່ວມງານກັບບັນດາບໍລິສັດເອກະຊົນທີ່ໃຫ້ບໍລິການສະຖານີອາວະກາດນາໆຊາດ ແລະ ຄວາມຮ່ວມມືນັ້ນກໍດຳເນີນໄປຢ່າງດີ. ໂດຍປະສົບກັບປັນຫາດ້ານງົບປະມານ, ທາງ NASA ເອງກໍກຳລັງຫາວິທີການໃຫມ່ໆເພື່ອຮ່ວມມືກັບພາກສ່ວນເອກະຊົນ ເພື່ອສືບຕໍ່ດຳເນີນການຄົ້ນຄວ້າ ແລະ ສຳຫລວດ ດັ່ງທີ່ໄດ້ດຳເນີນໂຄງການລະດົມທຶນເພື່ອປັບປຸງຂັ້ນຕອນ-ວິທີການຄົ້ນຫາດາວເຄາະນ້ອຍເມື່ອບໍ່ດົນມານີ້ ເຊິ່ງໂຄງການດັ່ງກ່າວໄດ້ໄຂຂຶ້ນຮ່ວມກັບບໍລິສັດ Planetary Resources.

ອີງຕາມສົນທິສັນຍາວ່າດ້ວຍອາວະກາດປີ 1967 ຂອງສະຫະປະຊາຊາດ ບັນດາປະເທດພາຄີຖືກຫ້າມບໍ່ໃຫ້ສະແດງຄວາມເປັນເຈົ້າຂອງຕໍ່ດວງຈັນ. ເຖິງຢ່າງໃດກໍຕາມ ຄວາມເປັນໄປໄດ້ໃນການຂຸດຄົ້ນແຮ່ທາດເທິງດວງຈັນ ແລະ ການເກີດຂຶ້ນຂອງບໍລິສັດອາວະກາດເອກະຊົນ ໄດ້ເຮັດໃຫ້ເກີດມີ້ຂໍ້ຖົກຖຽງກ່ຽວກັບ ສິດຄວາມເປັນເຈົ້າຂອງຕໍ່ດວງຈັນ ຂຶ້ນ.

“ມີເຫດຜົນສະຫນັບສະຫນູນທີ່ຫນັກແຫນ້ນສຳລັບການພັດທະນາກົດຫມາຍລະຫວ່າງປະເທດໃນຂົງເຂດນີ້ ເພາະວ່າໃນປີ 1967 ບໍ່ມີການພິຈາລະນາວ່າ ບໍ່ມີບຸກຄົນໃດນອກເຫນືອຈາກລັດຈະສາມາດດຳເນີນການສຳຫລວດດວງຈັນໄດ້” Ian Crowdford ນັກວິທະຍາສາດດາວເຄາະ ໄດ້ໃຫ້ສຳພາດກັບ The Telegraph. “ຕອນນີ້ທຸກຢ່າງກຳລັງປ່ຽນໄປຢ່າງຊັດເຈນ ແລະ ກໍມີເຫດຜົນສະຫນັບສະຫນູນໃຫ້ມີການປັບປຸງສົນທິສັນຍາອາວະກາດເພື່ອໃຫ້ພາກສ່ວນເອກະຊົນທີ່ອາດຈະມີຄວາມຕ້ອງການສຳຫລວດດວງຈັນສາມາດດຳເນີນການສຳຫລວດໄດ້.”

ທີ່ມາ: The Verge

Advertisements
Tagged with: ,
Posted in Uncategorized

ຕອບກັບ

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ​ແປງ )

Twitter picture

You are commenting using your Twitter account. Log Out / ປ່ຽນ​ແປງ )

Facebook photo

You are commenting using your Facebook account. Log Out / ປ່ຽນ​ແປງ )

Google+ photo

You are commenting using your Google+ account. Log Out / ປ່ຽນ​ແປງ )

Connecting to %s

%d bloggers like this: