ຜູ່ພັດທະນາເກມ Flappy Bird ມີລາຍຮັບຈາກເກມ 50,000 ໂດລາຕໍ່ມື້


image

Flappy Bird ເປັນເກມໃຫມ່ມາແຮງຈາກຜູ່ພັດທະນາຊາວຫວຽດນາມ Dong Nguyen ຕອນນີ້ແຫລ່ງຂ່າວໄດ້ລາຍງານວ່າ ລາວມີລາຍຮັບຈາກໂຄສະນາພາຍໃນເກມ ມື້ລະ 50,000 ໂດລາ.

ຄວາມສຳເລັດຂອງເກມ Flappy Bird ໄດ້ກາຍເປັນແສງແຫ່ງຄວາມຫວັງໃຫ້ແກ່ນັກພັດທະນາເກມຕົ້ນທຶນຕ່ຳຄົນອື່ນໆ ເພາະ Dong Nguyen ເອງກໍ່ໃຊ້ເວລາຫວ່າງຕອນແລງໃນການພັດທະນາເກມດັ່ງກ່າວ. ລາວກ່າວວ່າ ບໍ່ເຄີຍຄິດທີ່ຈະຢາກດັງ ຫລື ມີຊື່ສຽງແຕ່ຢ່າງໃດ ກົງກັນຂ້າມລາວໄດ້ຮ້ອງຂໍໃຫ້ປ່ອຍໃຫ້ລາວຢູ່ຄົນດຽວງຽບໆດີກວ່າ. ຈາກຕົວເກມເຫັນໄດ້ວ່າມີແຮງບັນດານໃຈມາຈາກເກມ Super Mario ສັງເກດໄດ້ຈາກທໍ່ສີຂຽວ ແລະ ພື້ນຫລັງສີສົດໃສ, ເຖິງວ່ານົກໃນເກມຈະມີສົບໃຫຍ່ເກີນໄປກໍຕາມ (ເຖິງຂະຫນາດມີຄວາມເຫັນມາຈົ່ມໃນ Play Store ວ່າ ອຶດອັດກັບສົບຂອງນົກ ມັນຄືມາໃຫຍ່ແທ້ ເປັນຫຍັງຄືບໍ່ໄປສັນຍະກຳ? ຄະແນນສູງສຸດທີ່ຂ້ອຍໄດ້ແມ່ນ 9 ເພາະສົບມັນໄປຕຳກັບທໍ່ຕະຫລອດ ຯລຯ).
ໃນສ່ວນຂອງຜູ່ຫລິ້ນເກມກໍ່ສະແດງຄວາມເຫັນຕ່າງໆນາໆ ບາງຄົນກໍວ່າຫລິ້ນແລ້ວອາລົມຂຶ້ນ ຢາກຈັບມືຖືຍັດລົງປາກພູເຂົາໄຟ ແລ້ວດຶງອອກມາແກວ່ງລົງພື້ນມະຫາສະຫມຸດ, ບາງຄົນກໍວ່າຫລິ້ນແລ້ວຕິດຈົນບໍ່ເປັນອັນກິນອັນນອນ, ບາງຄົນກໍວ່າຫລິ້ນແລ້ວຢຸດບໍ່ໄດ້ ເພາະຫມູ່ໄດ້ຄະແນນຫລາຍກວ່າ ຯລຯ ແຕ່ມີສິ່ງຫນຶ່ງທີ່ບັນດາຄວາມເຫັນເຫລົ່ານັ້ນບອກຄືກັນແມ່ນ: “ຍາກ!”.

ທ່ານໄດ້ລອງຫລິ້ນເກມນີ້ແລ້ວບໍ່ ຖ້າຍັງກໍລອງໂຫລດມາຫລິ້ນໄດ້ ຈາກ Play Store ແລະ App Store. ແລ້ວທ່ານຈະຮູ້ສຶກວ່າ “ຢາກດຶກໂທລະສັບເຂົ້າຝາ”.

ທີ່ມາ: Android Authority

Advertisements
Tagged with: , , ,
Posted in ຂ່າວໄອທີ

ຕອບກັບ

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ​ແປງ )

Twitter picture

You are commenting using your Twitter account. Log Out / ປ່ຽນ​ແປງ )

Facebook photo

You are commenting using your Facebook account. Log Out / ປ່ຽນ​ແປງ )

Google+ photo

You are commenting using your Google+ account. Log Out / ປ່ຽນ​ແປງ )

Connecting to %s

%d bloggers like this: