Android 2.3 Gingerbread ບໍ່ຍອມຕາຍງ່າຍໆ ຍອດຜູ່ໃຊ້ງານຄົງທີ່ຢູ່ 20%


image

ຖ້າໂລກເຮົາຖືກທຳລາຍລ້າງດ້ວຍລະເບີດນິວເຄລຍ, ມີສອງສິ່ງໃນໂລກທີ່ອາດຈະເຫລືອລອດ ນັ້ນຄື: ແມງສາບທີ່ແສນຈະທົນທານ ແລະ … “Android 2.3 Gingerbread“.

ອີງຕາມຕົວເລກຫລ້າສຸດຂອງການນຳໃຊ້ Android ຈາກ Google, Gingerbread ເຊິ່ງເປັນລະບົບປະຕິບັດການ Android ທີ່ເປີດໂຕເມື່ອປີ 2010 ຍັງຄົງມີຍອດຜູ່ໃຊ້ງານສູງເຖິງ 20% ຂອງຈຳນວນຜູ່ໃຊ້ງານລະບົບປະຕິບັດການ Android ທັງຫມົດ ໃນຂະນະທີ່ Android 4.4 KitKat ເວີຊັນທີ່ຈະມາຂ້າ Gingerbread ມີຍອດຜູ່ໃຊ້ງານພຽງແຕ່ 1.8% ພາຍຫລັງເປີດໂຕໄດ້ 3 ເດືອນ.

Gingerbread ຍັງບໍ່ໄດ້ໄປໃສ ຫລັງຈາກທີ່ເຮົາຄິດວ່າມັນຈະຕາຍໄປເມື່ອ 11 ເດືອນກ່ອນ ເມື່ອຍອດຜູ່ໃຊ້ງານຫລຸດລົງຢ່າງກະທັນຫັນຕ່ຳກວ່າ 50%. ແຕ່ນັ້ນເປັນຕົ້ນມາ ກໍໄດ້ຫລຸດຈາກ 44% ມາເປັນ 20% ຈົນກະທັ້ງປັດຈຸບັນ. ໂດຍບໍ່ຄຳນຶງເຖິງສິ່ງທີ່ Google ປາດຖະຫນາ, Gingerbread ຍັງຄົງຢູ່ ແລະ ອັດຕາການຫລຸດລົງຂອງຜູ່ໃຊ້ງານເວີຊັນດັ່ງກ່າວກໍບໍ່ໄວຢ່າງທີ່ຜູ່ພັດທະນາ Android ຄາດຫວັງໄວ້.

image

ແລ້ວ Gingetbread ຈະຕາຍບໍ່?
Android Gingerbread ຍັງຄົງຢູ່ຍ້ອນເຫດຜົນສອງປະການຄື: ຜູ່ຜະລິດໂທລະສັບຍັງຄົງຜະລິດອຸປະກອນ Android ລາຄາຖືກ ທີ່ມາພ້ອມກັບ Android Gingerbread ຢູ່ ແລະ ອີກປະການຫນຶ່ງກໍຄື ຜູ່ໃຊ້ອຸປະກອນ Android ລຸ້ນເກົ່າບໍ່ສາມາດອັບເກຣດເປັນ Android ເວີຊັນໃຫມ່ໄດ້ ຈົນກວ່າຈະຊື້ໂທລະສັບຫນ່ວຍໃຫມ່.

ເຖິງຢ່າງໃດກໍຕາມ Android 4.4 KitKat ທີ່ Google ໄດ້ເປີດໂຕເມື່ອເດືອນພະຈິກ 2013 ນັ້ນໄດ້ເປັນການປ່ຽນແປງຄັ້ງໃຫຍ່ ເພາະ Google ໄດ້ ຫລຸດການໃຊ້ຫນ່ວຍຄວາມຈຳຂອງ Android ໃຫ້ແທດເຫມາະກັບອຸປະກອນທີ່ມີ RAM ພຽງແຕ່ 512 MB. ເຫດຜົນທີ່ Gingerbread ຍັງຢູ່ມາດົນຈົນຮອດມື້ນີ້ກໍເພາະວ່າ ຜູ່ຜະລິດຍັງຈຳເປັນຕ້ອງໄດ້ຜະລິດ Android ລາຄາຖືກເພື່ອສົ່ງຂາຍຢູ່ຕະຫລາດລະດັບລຸ່ມຢູ່ ແລະ Gingerbread ກໍເປັນທາງເລືອກດຽວທີ່ສາມາດເຮັດວຽກເທິງ hardware ລາຄາຖືກໄດ້. Google ຫວັງວ່າ ຜູ່ຜະລິດຈະຢຸດນຳໃຊ້ Gingerbread ໃນອຸປະກອນລາຄາຖືກໃນໄວໆນີ້ ເພາະ KitKat ກໍສາມາດຈັດການກັບການເຮັດວຽກຂອງລະບົບປະຕິບັດການສຳລັບໂທລະສັບລາຄາບໍແພງໄດ້ເຊັ່ນກັນ.

ແນວໃດກໍຕາມ ກໍຄົງຕ້ອງໃຊ້ເວລາອີກໄລຍະຫນຶ່ງ ເພາະເວລາທີ່ Android ເວີຊັນໃຫມ່ຈະໄດ້ລົງອຸປະກອນຂອງຜູ່ຜະລິດນັ້ນ ຂະບວນການດັ່ງກ່າວແມ່ນໃຊ້ເວລາດົນ ແລະ ລຳບາກ ເຊິ່ງຕ້ອງໄດ້ອາໄສການເຂົ້າຮ່ວມຂອງຫລາຍພາກສ່ວນບໍ່ວ່າຈະເປັນ Google, ທີມວິສະວະກອນຈາກບໍລິສັດຜູ່ຜະລິດ, ເຄືອຂ່າຍມືຖື ແລະ ຜູ່ຜະລິດ chipsets ຢ່າງ Qualcomm ເປັນຕົ້ນ. ເວລາ 3 ເດືອນຂອງ KitKat ຍັງຄົງບໍ່ເຫັນຜົນຫຍັງຫລາຍ ແລະ ຈຳນວນຜູ່ໃຊ້ງານກໍຍັງຈະບໍ່ເພີ່ມຂຶ້ນຫລາຍຢ່າວໄວສຸດກໍຈົນກວ່າຈະເຖິງກາງປີ 2014.

ທີ່ມາ: ReadWrite

Advertisements
Tagged with: , ,
Posted in ຂ່າວໄອທີ

ຕອບກັບ

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ​ແປງ )

Twitter picture

You are commenting using your Twitter account. Log Out / ປ່ຽນ​ແປງ )

Facebook photo

You are commenting using your Facebook account. Log Out / ປ່ຽນ​ແປງ )

Google+ photo

You are commenting using your Google+ account. Log Out / ປ່ຽນ​ແປງ )

Connecting to %s

%d bloggers like this: