ນັກກິລາໂອລິມປິກຖືກຮ້ອງຂໍໃຫ້ປົກປິດໂລໂກຂອງ Apple ໃນລະຫວ່າງພິທີເປີດຍ້ອນ Samsung ເປັນຜູ່ອຸປະຖຳຫລັກ


image

ນັກກິລາໂອລິມປິກຖືກຮ້ອງຂໍຈາກ Samsung ໃຫ້ປົກປິດເຄື່ອງຫມາຍຂອງ Apple ທີ່ຢູ່ໃນອຸປະກອນຂອງພວກເຂົາໃນໄລຍະການເດີນຂະບວນຂອງແຕ່ລະຊາດ ໃນພິທີເປີດງານແຂ່ງຂັນມະຫະກຳກິລາໂອລິມປິກລະດູຫນາວ 2014 ເພາະວ່າ Samsung ເປັນຜູ້ອຸປະຖຳຫລັກຂອງງານມະຫະກຳດັ່ງກ່າວ.
ຕາມການລາຍງານຂອງແຫລ່ງຂ່າວບໍ່ໄດ້ລະບຸລາຍລະອຽດຂອງການຮ້ອງຂໍໄວ້ຫລາຍປານໃດ ແຕ່ລາຍງານວ່າເປັນເງື່ອນໄຂຂອງການອຸປະຖຳຂອງ Samsung.
ນັກກິລາທີ່ເຂົ້າຮ່ວມພິທີຈະຖືກຫ້າມບໍ່ໃຫ້ກ່າວເຖິງສິນຄ້າທຸກຢ່າງທີ່ບໍ່ແມ່ນຂອງຜູ່ອຸປະຖຳໃນໄລຍະການແຂ່ງຂັນໂອລິມປິກ ລວມທັງໃນ social media ແລະ ເທິງເສື້ອຜ້າ.

ຜູ່ເຂົ້າແຂ່ງຂັນ, ຄູຝຶກ, ຄູຝຶກພິເສດ ແລະ ເຈົ້າຫນ້າທີ່ ທີ່ໄດ້ຮັບການຮັບຮອງຈະຕ້ອງປະຕິບັດຕາມກົດລະບຽບຂໍ້ທີ 40 ຂອງກົດບັດໂອລິມປິກ ທີ່ໄດ້ກຳນົດໄວ້ວ່າ ຫ້າມນັກກິລາກ່າວເຖິງບໍລິສັດທີ່ບໍ່ໄດ້ເປັນຜູ່ອຸປະຖຳ. ນັກກິລາທີ່ໄດ້ລະເມີດກົດລະບຽບດັ່ງກ່າວຈະຖືກວິໄນໂດຍການ “ຖອນລາຍຊື່ອອກຈາກການຮັບຮອງ ແລະ ການລົງໂທດທາງການເງິນ” ຫລື ແມ້ກະທັ້ງຖືກຕັດສິດຈາກການແຂ່ງຂັນ. ຄະນະກຳມະການບັດໂອລິມປິກສາກົນຍັງໄດ້ກ່າວໄວ້ໃນຫລາຍໂອກາດວ່າ ການປົກປ້ອງຜູ່ອຸປະຖຳແມ່ນມີຄວາມສຳຄັນຢ່າງຍິ່ງເພາະຖ້າບໍ່ ມີພວກເຂົາແລ້ວ ກໍບໍ່ອາດມີການແຂ່ງຂັນໄດ້.

ເຖິງຢ່າງໃດກໍຕາມ ຍັງບໍ່ເປັນທີ່ຊັດເຈນວ່າ ກົດລະບຽບຂໍ້ທີ 40 ນີ້ຖືກໃຊ້ເປັນເຫດຜົນຂອງການສັ່ງຫ້າມບໍ່ໃຫ້ສະແດງເຄື່ອງຫມາຍຂອງຄູ່ແຂ່ງ ຫລື ບໍ່. ທາງ MacRumors ໄດ້ຕິດຕໍ່ທາງຄະນະກຳມະການໂອລິມປິກສະຫະລັດອາເມຣິກາ, ຄະນະກຳມະການໂອລິມປິກສາກົນ ແລະ Samsung ເພື່ອຂໍຄວາມເຫັນຕໍ່ບັນຫາດັ່ງກ່າວ ແຕ່ຍັງບໍ່ໄດ້ຮັບການຕອບຮັບເທື່ອ

ທີ່ມາ: MacRumors.

ທີ່ມາ:

Advertisements
Tagged with: , ,
Posted in ຂ່າວໄອທີ

ຕອບກັບ

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ​ແປງ )

Twitter picture

You are commenting using your Twitter account. Log Out / ປ່ຽນ​ແປງ )

Facebook photo

You are commenting using your Facebook account. Log Out / ປ່ຽນ​ແປງ )

Google+ photo

You are commenting using your Google+ account. Log Out / ປ່ຽນ​ແປງ )

Connecting to %s

%d bloggers like this: