ສະຫະລັດອາເມຣິກາຈະເຮັດໃຫ້ລົດ “ເວົ້າກັນ” ໄດ້


image

ຮູ້ສຶກວ່າໄລຍະນີ້ ຈະມີຂ່າວກ່ຽວກັບເທັກໂນໂລຢີໃຫມ່ໆກ່ຽວກັບຍວດຍານພາຫະນະອອກມາຫລາຍພໍສົມຄວນ. ທາງດ້ານສະຫະລັດອາເມຣິກາເອງກໍບໍ່ນ້ອຍຫນ້າສະຫະພາບເອີຣົບ ເມື່ອກົມຂົນສົ່ງຂອງສະຫະລັດອາເມຣິກາກຳລັງພັດທະນາລະບົບການສື່ສານລະຫວ່າງຍານພາຫະນະກັບຍານພາຫະນະ (V2V).

ຫລັງຈາກໄດ້ມີການທົດລອງຫລາຍປີ ແລະ ທົດລອງໃຊ້ໃນໂລກແຫ່ງຄວາມຈິງ, ລັດຖະບານສະຫະລັດກໍໃກ້ຈະເຮັດໃຫ້ມີການໃຊ້ລະບົບເຄືອຂ່າຍຄວາມປອດໄພດັ່ງກ່າວກັບຍານພາຫະນະເທິງທ້ອງຖະຫນົນແລ້ວ. ອົງການເພື່ອຄວາມປອດໄພຂອງການຈາລະຈອນເທິງທາງຫລວງແຫ່ງຊາດໄດ້ປະກາດວ່າ ຈະເລີ່ມປະຕິບັດບາດກ້າວຕໍ່ໄປເພື່ອກ້າວໄປສູ່ການດຳເນີນການໂຄງການ V2V, ເຖິງແມ່ນວ່າບັນດາບາດກ້າວເຫລົ່ານັ້ນຍັງຄົງຖືກປົກປິດໄວ້ກໍຕາມ. ສິ່ງສຳຄັນທີ່ຍັງຄົງບໍ່ຮູ້ນັ້ນກໍຄື ເມື່ອໃດທີ່ມາດຕະຖານຄວາມປອດໄພໃຫມ່ນີ້ຈະມີຜົນບັງຄັບໃຊ້. ທາງຫນ່ວຍງານທີ່ຮັບຜິດຊອບວຽກນີ້ກຳລັງຈະສຳເລັດການປະມວນຜົນຂໍ້ມູນທີ່ເກັບກຳຈາກໄລຍະທົດລອງໃຊ້ ເພື່ອຈະໃຊ້ເຂົ້າໃນການສະເຫນີສ້າງລະບຽບການ.
ສຳລັບທ່ານທີ່ບໍຮູ້ວ່າ V2V ແມ່ນຫຍັງ, V2V ແມ່ນມາດຕະຖານຄວາມປອດໄພເທິງທ້ອງຖະຫນົນທີ່ອະນຸຍາດໃຫ້ຍານພາຫະນະແບ່ງປັນຂໍ້ມູນຕຳແຫນ່ງ, ຄວາມໄວ ແລະ ທິດທາງທີ່ກຳລັງເຄື່ອນທີ່ໄປໃຫ້ກັນແລະກັນ ແລະ ແຈ້ງເຕືອນຜູ່ຂັບໃນກໍລະນີທີ່ອາດມີເຫດຮ້າຍເກີດຂຶ້ນເຊັ່ນ ໃນກໍລະນີທີ່ມີລົດກຳລັງມຸ້ງຫນ້າມາຫາທ່ານຈາກທາງແຍກ ຫລື ມີລົດຢູ່ໃນຈຸດທີ່ທ່ານແນມບໍ່ເຫັນໃນຂະນະທີ່ຈະປ່ຽນເລນ ເປັນຕົ້ນ. ໃນອະນາຄົດ ລະບົບນີ້ອາດຈະມີການຮວມເຂົ້າກັບເທັກໂນໂລຢີຫລົບຫລີກການຕຳກັນ ແຕ່ໃນເບື້ອງຕົ້ນ ກົມຂົນສົ່ງຈະເນັ້ນໃສ່ການພັດທະນາລະບົບ V2V ກ່ອນ.
ຫລາຍຄົນອາດຈະຄິດວ່າ ລັດຖະບານສະຫະລັດກຳລັງຫາວິທີເກັບກຳຂໍ້ມູນຜູ່ໃຊ້ຢູ່ແນ່ນອນ, ແຕ່ວາງໃຈໄດ້ເລີຍ ເພາະລະບົບນີ້ຈະບໍ່ມີການເກັບກຳຂໍ້ມູນທີ່ລະບຸຕົວຕົນຂອງຜູ້ຂັບແຕ່ຢ່າງໃດ ແລະ ໃນຄວາມເປັນຈິງແລ້ວ ລະບົບຈະບໍ່ເກັບກຳຂໍ້ມູນຂອງຕົວຍານພາຫະນະ ແຕ່ຈະເກັບກຳສະເພາະຂໍ້ມູນເພື່ອຄວາມປອດໄພເທົ່ານັ້ນເຊັ່ນ ຕຳແຫນ່ງ, ຄວາມໄວ ແລະ ທິດທາງການເຄື່ອນທີ່. ນອກຈາກນັ້ນ ຫນ່ວຍງານຮັບຜິດຊອບໂຄງການ ຍັງໄດ້ວາງແຜນສ້າງການປົກປ້ອງຄວາມເປັນສ່ວນຕົວ ແລະ ຄວາມປອດໄພຂອງຜູ່ຂັບໄວ້ຫລາຍລະດັບ ເພື່ອຮັບປະກັນວ່າ ຍານພາຫະນະຈະສົ່ງ ແລະ ຮັບຂໍ້ມູນທີ່ຫນ້າເຊື່ອຖື.

ທີ່ມາ: Engadget

Advertisements
Tagged with: ,
Posted in ຂ່າວໄອທີ

ຕອບກັບ

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ​ແປງ )

Twitter picture

You are commenting using your Twitter account. Log Out / ປ່ຽນ​ແປງ )

Facebook photo

You are commenting using your Facebook account. Log Out / ປ່ຽນ​ແປງ )

Google+ photo

You are commenting using your Google+ account. Log Out / ປ່ຽນ​ແປງ )

Connecting to %s

%d bloggers like this: