ນັກກົດຫມາຍນໍເວ ສະເຫນີຊື່ Edward Snowden ເຂົ້າຊິງລາງວັນໂນເບລສາຂາສັນຕິພາບ


image

ນັກກົດຫມາຍຊາວນໍເວສອງຄົນໄດ້ຮ່ວມກັນສະເຫນີຊື່ Edward Snowden ຜູ່ເຜີຍແຜ່ຂໍ້ມູນລັບຂອງຫນ່ວຍງານຄວາມປອດໄປແຫ່ງຊາດສະຫະລັດອາເມຣິກາ ເຂົ້າຊິງລາງວັນໂນເບລສາຂາສັນຕິພາບ ຕາມການລາຍງານໃນເວັບໄຊຂອງພວກເຂົາໃນມື້ວານນີ້ (29 ມັງກອນ).

Edward Snowden ເປັນ “ບຸກຄົນທີ່ເຜີຍໃຫ້ເຫັນເຖິງລັກສະນະ ແລະ ຄວາມກ້າຫານຂອງການເຝົ້າລະວັງສະໄຫມໃຫມ່ທາງເທັກໂນໂລຢີ” ເຊິ່ງການກະທຳດັ່ງກ່າວເປັນການສົ່ງເສີມສັນຕິພາບ, Bard Vegar Sohjell ແລະ Snorre Valen ແຫ່ງພັກສັງຄົມນິຍົມຝ່າຍຊ້າຍຂອງນໍເວກ່າວ.

ລາຍຊື່ທີ່ຖືກສະເຫນີເຂົ້າຊິງລາງວັນໂນເບລສາຂາສັນຕິພາບໃນປີທີ່ຜ່ານໆມາ ແລະ ໄດ້ຮັບລາງວັນປະກອບມີ ອະດີດປະທານາທິບໍດີປະເທດອາຟຣິກາໃຕ້ Nelson Mandela, ຜູ້ນຳຝ່າຍຄ້ານຂອງມຽນມາ Aung San Suu Gyi ແລະ ປະທານາທິບໍດີສະຫະລັດອາເມລິກາ Barack Obama. ການສະເຫນີລາຍຊື່ຜູ່ເຂົ້າຊິງລາງວັນຂອງປີນີ້ໄດ້ປິດລົງເມື່ອວັນເສົາທີ່ຜ່ານມາ ແລະ ຈະປະກາດຜູ່ໄດ້ຮັບລາງວັນໃນເດືອນຕຸລາ.
ອີງຕາມກົດລະບຽບຂອງຄະນະກຳມະການໂນເບລແຫ່ງນໍເວແລ້ວ Bard Vegar Sohjell ແລະ Snorre Valen ມີຄຸນສົມບັດທີ່ຈະສະເຫນີລາຍຊື່ເຂົ້າຊິງລາງວັນໄດ້ ໃນຖານະທີ່ເປັນຜູ່ສ້າງກົດຫມາຍແຫ່ງຊາດ. ລາຍຊື່ຂອງຜູ້ທີ່ຖືກສະເຫນີເຂົ້າຊິງລາງວັນຈະບໍ່ຖືກເປີດເຜີຍຈົນກວ່າຈະຄົບ 50 ປີ.

“ບໍ່ແປກໃຈເລີຍທີ່ການກະທຳຂອງ Edward Snowden ອາດໄດ້ທຳລາຍຄວາມສົນໃຈຕໍ່ຄວາມປອດໄພຂອງບາງປະເທດໃນໄລຍະສັ້ນ. ແຕ່ພວກເຮົາກໍບໍ່ໄດ້ໄຫ້ອະໄພ ຫລື ສະຫນັບສະຫນຸນການເປີດເຜີຍຂອງລາວທັງຫມົດແຕ່ຢ່າງໃດ.” ບົດລາຍງານຂອງ Sohjell ແລະ Valen ລະບຸ.

“ເຖິງຢ່າງໃດກໍຕາມ ພວກເຮົາເຊື່ອວ່າ ການຖົກຖຽງ ແລະ ການປ່ຽນແປງຂອງມວນຊົນກ່ຽວກັບນະໂຍບາຍທີ່ຕາມມາພາຍຫລັງຈາກການຕື່ນຕົວຕໍ່ກັບການເປີດເຜີຍຂໍ້ມູນໂດຍ Edward Snowden ນັ້ນ ໄດ້ສົ່ງເສີມການຈັດລະບຽບໂລກ ໃຫ້ມີຄວາມສັນຕິ ແລະ ມີສະຖຽນລະພາບຂຶ້ນ.”

“ການກະທຳຂອງລາວໄດ້ນຳໄປສູ່ການຟື້ນຟູຄວາມເຊື່ອຫມັ້ນ ແລະ ຄວາມໂປ່ງໃສເຊິ່ງເປັນຫລັກການນຳຫນ້າຂອງນະໂຍບາຍຄວາມປອດໄພຂອງສາກົນ. ຄ່າຂອງມັນບໍ່ອາດປະເມີນລາຄາໄດ້.”

ຕອນນີ້ Snowden ອາໄສຢູ່ທີ່ປະເທດຣັດເຊຍ ໂດຍໄດ້ຮັບອະນຸຍາດໃຫ້ລີ້ໄພຢູ່ທີ່ນັ້ນເປັນເວລາຫນຶ່ງປີ ນັບແຕ່ເດືອນມິຖຸນາປີກ່ອນ.

ໃນຂະນະຢູ່ທີ່ສະຫະລັດອາເມຣິການັ້ນ ລາວຕ້ອງປະເຊີນກັບຂໍ້ກ່າວຫາວ່າໄດ້ທຳການໂຈນລະກຳ ແລະ ລັກຊັບສິນຂອງລັດໂດຍການເຮັດໃຫ້ຂໍ້ມູນທີ່ມີຄວາມອ່ອນໄຫວຂອງແຜນງານສອດແນມຮົ່ວໄຫລ.

ທີ່ມາ: CNN

Advertisements
Tagged with: , , , ,
Posted in ຂ່າວໄອທີ

ຕອບກັບ

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ​ແປງ )

Twitter picture

You are commenting using your Twitter account. Log Out / ປ່ຽນ​ແປງ )

Facebook photo

You are commenting using your Facebook account. Log Out / ປ່ຽນ​ແປງ )

Google+ photo

You are commenting using your Google+ account. Log Out / ປ່ຽນ​ແປງ )

Connecting to %s

%d bloggers like this: