ດີລຟ້າແມບ Lenovo ເຂົ້າຊື້ກິດຈະການ Motorola ຈາກ Google


image

ມາແບບບໍ່ມີຊຸ້ມມີສຽງກັນເລີຍກັບດີລນີ້, Google ປະກາດຂາຍກິດຈະການ Motorola ໃຫ້ແກ່ Lenovo ບໍລິສັດໄອທີຍັກໃຫຍ່ແຫ່ງຈີນ ດ້ວຍມູນຄ່າ 2.91 ຕື້ໂດລາສະຫະລັດ ຫລັງຈາກປະຄັບປະຄອງມາໄດ້ 19 ເດືອນ. ດີລນີ້ Lenovo ແບ່ງຈ່າຍເປັນງວດ ໂດຍງວດທຳອິດຈ່າຍໄປກ່ອນ 1.4 ຕື້ໂດລາສະຫະລັດ ເຊິ່ງປະກອບດ້ວຍເງິນສົດ 650 ລ້ານໂດລາ ແລະ ຮຸ້ນຂອງ Lenovo ອີກ 750 ລ້ານໂດລາ. ສ່ວນທີ່ເຫລືອຈະທະຍອຍຈ່າຍເປັນເວລາ 3 ປີ.
image

Larry Page ຜູ່ບໍລິຫານ Google ຈັບມືກັບ Yang Yuanqing ຜູ່ບໍລິຫານ Lenovo

ລາຍລະອຽດຂອງດີລນີ້ແມ່ນ Lenovo ຈະໄດ້ທຸລະກິດຂອງ Motorola ລວມທັງຍີ່ຫໍ້ສິນຄ້າ ຕະຫລອດເຖິງການເປັນເຈົ້າຂອງຜະລິດຕະພັນ Moto X ແລະ Moto G ໃນຂະນະທີ່ສິດທິບັດສ່ວນໃຫຍ່ຍັງເປັນຂອງ Google ໂດຍ Lenovo ຈະໄດ້ສິດໃຊ້ສິດທິບັດດັ່ງກ່າວນຳ.
Yang Yuanqing ຜູ່ບໍລິຫານ Lenovo ໃຫ້ສຳພາດວ່າ ບໍລິສັດມີຄວາມໝັ້ນໃຈວ່າຈະເຮັດໃຫ້ຍີ່ຫໍ້ທີ່ມີຄວາມເຂັ້ມແຂງຢູ່ແລ້ວ ເຂັ້ມແຂງຂຶ້ນໄປຍິ່ງຂຶ້ນ. ສ່ວນ Larry Page ຜູ່ບໍລິຫານ Google ກ່າວວ່າ Lenovo ມີສັກກະຍະພາບທີ່ຈະຕໍ່ຍອດການເຕີບໂຕໃຫ້ Motorola ໄດ້ເພາະຕະຫລາດ smartphone ມີການແຂ່ງຂັນໃນລະດັບສູງ ການໄດ້ Lenovo ມາຮັບຫນ້າທີ່ແທນຈະເປັນເຮັດໃຫ້ລະບົບປະຕິບັດການ Android ມີຄວາມເຂັ້ມແຂງ ແລະ ແຜ່ຫລາຍຂຶ້ນກວ່າເກົ່າ.
ຕໍ່ກັບດີລດັ່ງກ່າວ, ມີຜູ່ໃຊ້ອິນເຕີເນັດຈຳນວນໜຶ່ງໃຫ້ຂໍ້ສັງເກດ ແລະ ຕັ້ງຄຳຖາມວ່າ Google ໄດ້ຊື້ Motorola ມາເມື່ອ 19 ເດືອນກ່ອນ ໃນມູນຄ່າ 12.5 ຕື້ໂດລາສະຫະລັດ ແຕ່ຂາຍຕໍ່ໃຫ້ Lenovo ພຽງແຕ່ 2.91 ຕື້ໂດລາສະຫະລັດ ຈະບໍ່ຫລຸບທຶນບໍ່? ຈາກລາຍລະອຽດຂອງດີລທີ່ເຮົາກ່າວໄວ້ຂ້າງເທິງຈະເຫັນໄດ້ວ່າ Google ຍັງເປັນເຈົ້າຂອງສິດທິບັດຕ່າງໆທີ່ໄດ້ມາຈາກ Motorola. ເມື່ອທຽບກັບທຸລະກິດສ່ວນທີ່ໄດ້ຂາຍໃຫ້ Lenovo ແລ້ວ, ຜົນປະໂຫຍດທີ່ Google ຈະໄດ້ຈາກນຳໃຊ້ສິດທິບັດດັ່ງກ່າວເພື່ອຕໍ່ຍອດໃຫ້ Android ນັ້ນແມ່ນປະເມີນມູນຄ່າກັນບໍ່ໄດ້ເລີຍ. ສະຫລຸບກໍຄື Google ມີແຕ່ໄດ້ກັບໄດ້.
ເຖິງຢ່າງໃດກໍຕາມ, ດີລນີ້ຕ້ອງໄດ້ຮັບອະນຸມັດຈາກລັດຖະບານສະຫະລັດອາເມຣິກາ ແລະ ຈີນກ່ອນການຊື້-ຂາຍດັ່ງກ່າວຈຶ່ງຈະສົມບູນໄດ້.

ທີ່ມາ: Gigaom

Advertisements
Tagged with: , , ,
Posted in ຂ່າວໄອທີ

ຕອບກັບ

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ​ແປງ )

Twitter picture

You are commenting using your Twitter account. Log Out / ປ່ຽນ​ແປງ )

Facebook photo

You are commenting using your Facebook account. Log Out / ປ່ຽນ​ແປງ )

Google+ photo

You are commenting using your Google+ account. Log Out / ປ່ຽນ​ແປງ )

Connecting to %s

%d bloggers like this: