ໃຊ້ smartphone ກ່ອນນອນສາມາດກໍ່ໃຫ້ເກີດອາການ “ເມົາຄ້າງມືຖື” ໄດ້


image

…ເຖິງວ່າທ່ານຈະໃຊ້ຕິດຕໍ່ວຽກງານ ຫຼື ຫຼີ້ນເກມ ຜົນທີ່ອອກມາກໍຄືກັນໝົດ

ດັ່ງທີ່ເຮົາຮູ້ກັນແລ້ວວ່າ ການໃຊ້ smartphone ຫຼາຍເກີນໄປເຮັດໃຫ້ເຮົາອອກຫ່າງຈາກຄຳວ່າມະນຸດຫຼາຍຂຶ້ນນັບມື້. ແລະ ນີ້ກໍຄືອີກເຫດຜົນໜຶ່ງທີ່ເຮົາຄວນຫຼຸດຜ່ອນການໃຊ້ອຸປະກອນເຫຼົ່ານັ້ນລົງ:

ໃຊ້ smartphone ຈົນເດິກກ່ອນນອນສາມາດເຮັດໃຫ້ເກີດອາການ “ເມົາຄ້າງ” ໃນມື້ຕໍ່ໄປໄດ້

ເຖິງຢ່າງໃດກໍຕາມ ການໃຊ້ smartphone ເພື່ອຕິດຕໍ່ທາງທຸລະກິດສາມາດພາໃຫ້ເກີດອາການເມົາຄ້າງດັ່ງກ່າວຄືກັນ. ຜົນການສຶກສາຈາກມະຫາວິທະຍາໄລລັດມິຊິແກນ (Michigan State University) ພົບວ່າ ຜູ້ທີ່ນຳໃຊ້ອຸປະກອນ smartphone ຫຼັງຈາກ 21:00 ໂມງເປັນຕົ້ນໄປຈະມີອາການເມື່ອຍ ແລະ ເຮັດໃຫ້ປະສິດທິພາບໃນການເຮັດວຽກຫຼຸດລົງຢ່າງຊັດເຈນໃນມື້ຕໍ່ໄປເມື່ອທຽບກັບຜູ້ທີ່ມີພຶດຕິກຳກົງກັນຂ້າມກັນ.
“Smartphone ຖືກອອກແບບມາເພື່ອລົບກວນການນອນຫຼັບໄດ້ເກືອບສົມບູນແບບ” Russell Johnson ຜູ້ຊ່ວຍສາດສະດາຈານທາງດ້ານການບໍລິຫານປະຈຳມະຫາວິທະຍາໄລລັດມິຊິແກນກ່າວ “ເພາະວ່າອຸປະກອນເຫຼົ່ານັ້ນເຮັດໃຫ້ເຮົາຈົດຈໍ່ຢູ່ກັບມັນຈົນເດິກ ແລະ ຍາກທີ່ຈະຢຸດໃຊ້ພວກມັນເພື່ອໄປພັກຜ່ອນ ແລະ ຫຼັບນອນ”.
ການສຶກສາຍັງຊີ້ໃຫ້ເຫັນອີກວ່າ “ແສງສີຟ້າ” ທີ່ຖືກປ່ອຍອອກມາຈາກ smartphone ຈະລົບກວນລະດັບຂອງຮໍໂມນເມລາໂທນິນ (melatonin) ເຊິ່ງເປັນສານເຄມີທີ່ເຮັດໃຫ້ຮ່າງກາຍເກີດອາການຢາກນອນ. ດັ່ງນັ້ນ ເຖິງແມ່ນວ່າທ່ານຈະໃຊ້ smartphone ສຳລັບກິດຈະກຳອື່ນໆທີ່ນອກເໜືອຈາກທຸລະກິດ ຫຼື ຕິດຕໍ່ວຽກງານ ເຊັ່ນ ຫຼິ້ນເກມ Candy Crush Saga, Angry Birds ຫຼື Asphalt 8 ກໍຕາມ ມັນກໍຍັງສົ່ງຜົນກະທົບຕໍ່ກັບຄຸນນະພາບຂອງການນອນຫຼັບຢູ່ດີ.
ສະນັ້ນ ພວກເຮົາຂໍແນະນຳວ່າ ຄືນນີ້ກ່ອນທີ່ທ່ານຈະເຂົ້ານອນໃຫ້ທ່ານເອົາໂທລະສັບປະໄວ້ຢູ່ອີກມຸມຂອງຫ້ອງໃຫ້ໄກໆໂຕ ແລ້ວຫາປຶ້ມດີໆທີ່ທ່ານສົນໃຈມາອ່ານ. “ໂອ້? ຊິເຮັດແນວໃດດີ? ຂ້ອຍບໍ່ມີປຶ້ມອ່ານຈັກຫົວເລີຍ ເພາະປົກກະຕິອ່ານແຕ່ໃນ iPad” ຜູ້ອ່ານທ່ານໜຶ່ງກ່າວ 😀

ທີ່ມາ: TIME

Advertisements
Tagged with: , , , ,
Posted in ຂ່າວໄອທີ

ຕອບກັບ

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ​ແປງ )

Twitter picture

You are commenting using your Twitter account. Log Out / ປ່ຽນ​ແປງ )

Facebook photo

You are commenting using your Facebook account. Log Out / ປ່ຽນ​ແປງ )

Google+ photo

You are commenting using your Google+ account. Log Out / ປ່ຽນ​ແປງ )

Connecting to %s

%d bloggers like this: