ມະຫາກາບຍ່ອງຂະໜົມອົມ Candy Crush Saga ກັບປັນຫາເລື່ອງເຄື່ອງໝາຍການຄ້າ


image

ຖ້າເວົ້າເຖິງເກມແນວແກ້ໄຂປັນຫາ (puzzle) ແລ້ວຄົງຈະບໍ່ມີ (ຫຼື ອາດຈະມີ) ໃຜທີ່ບໍ່ຮູ້ຈັກເກມດັງທີ່ມີຊື່ວ່າ Candy Crush Saga ເຊິ່ງເປັນເກມຄ້າຍໆກັບພວກເກມ Bejeweled ຕ່າງແຕ່ວ່າປ່ຽນຈາກເພັດມາເປັນຂະໜົມອົມ.

ພາຍຫຼັງທີ່ King ເຊິ່ງເປັນຜູ້ສ້າງເກມນີ້ໄດ້ຮັບອະນຸມັດໃຫ້ເປັນເຈົ້າຂອງເຄື່ອງໝາຍການຄ້າຄຳວ່າ “candy”, ຜູ້ສ້າງກໍ່ໄດ້ພະຍາຍາມສົ່ງແຈ້ງການໄປຍັງຜູ້ພັດທະນາເກມອື່ນໆທີ່ມີຄຳວ່າ candy ໃນເກມໃຫ້ຖອດແອັບຯອອກຈາກຮ້ານຄ້າເນື່ອງຈາກລະເມີດເຄື່ອງໝາຍການຄ້າຂອງຕົນ ແລະ ອາດກໍ່ໃຫ້ເກີດການສັບສົນໃນຊື່ຜະລິດຕະພັນທີ່ອາດກໍ່ໃຫ້ເກີດຄວາມເສຍຫາຍທາງການຄ້າກັບບໍລິສັດ King ໄດ້. ເຫດການດັ່ງກ່າວພາໃຫ້ເກີດປະກົດການ Candy Jam ເຊິ່ງເປັນການລວມຕົວກັນຂອງບັນດາມວນມະຫານັກພັດທະນາເກມທີ່ບໍ່ພໍໃຈພຶດຕິກຳຂອງ King. ແຕ່ເບິ່ງຄືວ່າ King ຈະບໍ່ຢຸດຢູ່ແຕ່ພຽງເທົ່ານັ້ນ ຈຶ່ງໄດ້ຍື່ນໜັງສືເພື່ອຈົດທະບຽນເຄື່ອງໝາຍການຄ້າຄຳວ່າ “saga” ອີກຄຳເພື່ອຮ້ອງຟ້ອງນັກພັດທະນາເກມ The Banner Saga ທີ່ຖືກກ່າວຫາວ່າໄປລອກລຽນເກມຕະກູນ Saga ຂອງເພິ່ນ. ການກະທຳດັ່ງກ່າວຂອງ King ຖືກວິພາກວິຈານຈາກເຫຼົ່ານັກພັດທະນາເກມ ແລະ blogger ຢ່າງເປັນວົງກວ້າງ. ຫຼ້າສຸດ ກໍມີຄົນໄປພົບວ່າ King.com ໄດ້ລົບເກມບາງເກມທີ່ອາດຈະມີເນື້ອຫາ (ແລະ ຊື່) ເຂົ້າຂ່າຍລອກລຽນເກມອື່ນອອກຈາກເວັບຂອງຕົນເຊັ່ນ Pac-Avoid ເຊິ່ງເປັນເກມທີ່ລອກຈາກ Pacman ມາ. King ໃຫ້ເຫດຜົນວ່າ King ບໍ່ໄດ້ລອກລຽນເກມອື່ນແຕ່ຢ່າງໃດ ແລະ ທາງບໍລິສັດກໍໃຫ້ຄວາມເຄົາລົບເລື່ອງຊັບສິນທາງປັນຍາຢູ່ສະເໝີ, ການນຳເກມ Pac-Avoid ອອກກໍເພື່ອປ້ອງກັນຄວາມສັບສົນທີ່ອາດຈະເກີດຂຶ້ນ ແລະ ເກມດັ່ງກ່າວກໍເປັນເກມທີ່ຖືກພັດທະນາໂດຍນັກພັດທະນາພາຍນອກເມື່ອ 5 ປີກ່ອນ.
ມະຫາກາບຍ່ອງຂະໜົມອົມກັບປັນຫາເລື່ອງເຄື່ອງໝາຍການຄ້າຈະເປັນແນວໃດຕໍ່ໄປ? ຫຼື King ອາດຈະຈົດທະບຽນເຄື່ອງໝາຍການຄ້າຄຳວ່າ “crush” ອີກຄຳໜຶ່ງ ຈຶ່ງຈະສາມາດ “ຍ່ອງ” ຜູ້ພັດທະນາເກມລາຍອື່ນໄດ້ເຕັມກຳມືຍິ່ງຂຶ້ນ ກໍຕ້ອງຕິດຕາມກັນຕໍ່ໄປ.

ທີ່ມາ: Blognone

Advertisements
Tagged with: , ,
Posted in ແວດວົງເກມ

ຕອບກັບ

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ​ແປງ )

Twitter picture

You are commenting using your Twitter account. Log Out / ປ່ຽນ​ແປງ )

Facebook photo

You are commenting using your Facebook account. Log Out / ປ່ຽນ​ແປງ )

Google+ photo

You are commenting using your Google+ account. Log Out / ປ່ຽນ​ແປງ )

Connecting to %s

%d bloggers like this: