ເກົາຫຼີໃຕ້ວາງແຜນສ້າງເຄືອຂ່າຍ 5G ມູນຄ່າ 1.5 ຕື້ໂດລາສະຫະລັດ


image

ລັດຖະບານເກົາຫີຼໃຕ້ຈະລົງທຶນໃສ່ການພັດທະນາເຄືອຂ່າຍ 5G ມູນຄ່າ 1.5 ຕື້ໂດລາ ພ້ອມອ້າງວ່າ ລະບົບດັ່ງກ່າວໄວກວ່າຄວາມໄວອິນເຕີເນັດໃນປັດຈຸບັນເຖິງ 1,000 ເທື່ຶອ.
ຢ່າງໃດກໍຕາມ ຜູ້ໃຫ້ບໍລິການທີ່ຕ້ອງການໃຊ້ຄວາມກ້າວໜ້າຂອງເທັກໂນໂລຢີດັ່ງກ່າວກໍຈຳເປັນຕ້ອງໄດ້ປັບປຸງປະສິດທິພາບຂອງລະບົບຕົນ ແລະ ລູກຄ້າທີ່ຕ້ອງການໃຊ້ບໍລິການກໍຕ້ອງຊື້ໂທລະສັບມືຖືໜ່ວຍໃໝ່ທີ່ຮອງຮັບການໃຊ້ງານລະບົບດັ່ງກ່າວ.
ແຕ່ເຖິງວ່າຈະເຮັດໄດ້ຄືທີ່ກ່າວມານັ້ນ ກໍບໍ່ຮັບປະກັນວ່າບໍລິສັດທີ່ໃຫ້ບໍລິການປະເພດ stream ອອນໄລນ໌ ເຊັ່ນ Youtube, Netflix ແລະ ບໍລິສັດທີ່ໃຫ້ບໍລິການຄ້າຍຄືກັນອື່ນໆ ຈະປັບຄວາມໄວໃນການດາວໂຫຼດໃຫ້ສູງຂຶ້ນຕາມລະບົບດັ່ງກ່າວ ຫຼື ບໍ່.
ເກົາຫຼີໃຕ້ເປັນປະເທດໜຶ່ງທີ່ມີອິນເຕີເນັດຄວາມໄວສູງໃນອັນດັບຕົ້ນໆຂອງໂລກ ແລະ ມີປະຫວັດການພັດທະນາລະບົບອິນເຕີເນັດມາດົນນານ. ເກົາຫຼີໃຕ້ ມີລະບົບ 2G ໃຊ້ໃນຊຸມປີ 1990, ມີລະບົບ 3G ໃນຊຸມປີ 2000 ແລະ ລະບົບ 4G ໃນປີ 2010. ສ່ວນລະບົບ 5G ນັ້ນ ພວກເຂົາຄາດວ່າຈະໄດ້ນຳໃຊ້ໃນປີ 2018.
ໃນປະເທດລາວເຮົາ ຫຼັງຈາກທີ່ລາວໂທລະຄົມໄດ້ເປີດໂຕບໍລິການ 3G ຄັ້ງທຳອິດໃນປີ 2008 ແລະ ເຄືອຂ່າຍອື່ນໆກໍໄດ້ທະຍອຍເປີດຕົວໃນພາຍຫຼັງ. ມາຮອດປັດຈຸບັນ ລະບົບ 3G ໄດ້ຄອບຄຸມເກືອບທົ່ວປະເທດ ແຕ່ຄວາມໄວກໍຍັງຢູ່ໃນລະດັບທີ່ບໍ່ໜ້າພໍໃຈປານໃດ. ສ່ວນລະບົບ 4G ນັ້ນ ເຄືອຂ່າຍລາວໂທລະຄົມກຳລັງທົດສອບໃຫ້ບໍລິການໃນຂອບເຂດນະຄອນຫຼວງວຽງຈັນຢູ່.
ເຮົາພ້ອມແລ້ວບໍ່ສຳລັບການເຊື່ອມຕໍ່ 5G?

ທີ່ມາ: CNN

Advertisements
Tagged with: , , , ,
Posted in ຂ່າວໄອທີ

ຕອບກັບ

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ​ແປງ )

Twitter picture

You are commenting using your Twitter account. Log Out / ປ່ຽນ​ແປງ )

Facebook photo

You are commenting using your Facebook account. Log Out / ປ່ຽນ​ແປງ )

Google+ photo

You are commenting using your Google+ account. Log Out / ປ່ຽນ​ແປງ )

Connecting to %s

%d bloggers like this: