Edward Snowden ຜູ້ເປີດໂປງຂໍ້ມູນລັບຂອງ NSA ຈະຕອບຄຳຖາມມວນຊົນໃນວັນພະຫັດນີ້


image

Edward Snowden ອະດີດພະນັກງານຂອງສະພາຄວາມໝັ້ນຄົງແຫ່ງຊາດສະຫະລັດອາເມຣິກາ (National Security Agency: NSA) ມີແຜນຈະສະແດງຄວາມຄິດເຫັນຕໍ່ການປະຕິຮູບ NSA ຂອງປະທານາທິບໍດີ Barack Obama ໃນການຕອບ-ຖາມຜ່ານເວັບທີ່ຈະຈັດຂຶ້ນໃນວັນພະຫັດນີ້.
ການຖາມ-ຕອບຄັ້ງນີ້ຈະເປັນການສົນມະນາສົດຄັ້ງທຳອິດຂອງ Snowden ຕັ້ງແຕ່ລາວໄດ້ເປີດເຜີຍເອກະສານພາຍໃນທີ່ສຳຄັນຫຼາຍລາຍການຂອງຫນ່ວຍງານດັ່ງກ່າວ ໂດຍສະເພາະແມ່ນໂຄງການດັກຟັງຂໍ້ມູນ. Snowden ຖືກກ່າວຫາວ່າ ໄດ້ໂຈນລະກຳຂໍ້ມູນເອກະສານທາງການລັບຈຳນວນ 1.7 ລ້ານລາຍການຈາກຄອມພິວເຕີຂອງລັດຖະບານສະຫະລັດ.
ການຖາມ-ຕອບຄັ້ງນີ້ໄດ້ຖືກປະກາດອອກມາ 1 ອາທິດພາຍຫຼັງທີ່ Barack Obama ໄດ້ສັ່ງໃຫ້ມີການປັງປຸງແກ້ໄຂໂຄງການລັກຟັງໂທລະສັບ ໂດຍຈະຈັດຂຶ້ນໃນວັນພະຫັດທີ 23 ມັງກອນ 2014 ເວລາ 12:00 ໂມງ ຕາມເວລາປາຊີຟິກ (ປະມານ 03:00 ໂມງເຊົ້າ ຂອງວັນສຸກທີ 24 ມັງກອນ 2014 ເວລາປະເທດລາວ). ຈາກການໃຫ້ຄຳປາໄສເມື່ອວັນສຸກກ່ອນ Obama ກ່າວວ່າ ຈາກນີ້ເປັນຕົ້ນໄປ ຫນ່ວຍງານສືບຂໍ້ມູນລັບ ຈະຕ້ອງໄດ້ຮັບການອະນຸຍາດຈາກສານກ່ແນຈຶ່ງສາມາດເກັບກຳຂໍ້ມູນການໂທໄດ້ ແລະ ຈະບໍ່ສາດມາດເກັບກຳ ແລະ ຮັກສາຂໍ້ມູນໂດຍບໍ່ໄດ້ຮັບອະນຸຍາດໄດ້ອີກຕໍ່ໄປ.
ໃນວັນພະຫັດນີ້ ຖ້າຫາກທ່ານມີຄຳຖາມທີ່ຕ້ອງການຖາມ Edward Snowden ທ່ານສາມາດສົ່ງຄຳຖາມຂອງທ່ານຜ່ານ Twitter ໂດຍໃຊ້ hashtag #AskSnowden.

ທີ່ມາ: CNET

Advertisements
Posted in Uncategorized

ຕອບກັບ

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ​ແປງ )

Twitter picture

You are commenting using your Twitter account. Log Out / ປ່ຽນ​ແປງ )

Facebook photo

You are commenting using your Facebook account. Log Out / ປ່ຽນ​ແປງ )

Google+ photo

You are commenting using your Google+ account. Log Out / ປ່ຽນ​ແປງ )

Connecting to %s

%d bloggers like this: